1. Yardımlı rayonunda Azərbaycan sərhədçilərinin naryadına hücum nəticəsində iki nəfər həlak olub, Dövlət Sərhəd Xidməti bildirir.

Hadisə "Göytəpə'" sərhəd dəstəsinin xidməti ərazisində baş verib. Məlumata əsasən, "Dayan" əmrinə tabe olmayan sərhəd pozucuları atəş açaraq hadisə yerindən qaçmağa çalışıblar.

"Sərhəd pozucularının açdıqları atəş nəticəsində baş leytenant Eyvazov Samir Elmar oğlu və kiçik gizir Alimov Fərid Elçin oğlu yaralanmışlar. Hərbi qulluqçular dərhal tibb müəssisəsinə təxliyə olunmuş, lakin həyatlarını xilas etmək mümkün olmamışdır".
Hadisə ilə bağlı bir iran vətəndaşının saxlanıldığı bildirilir. DSX baş verən insidentlə bağlı iran tərəfinə məlumat verildiyini qeyd edilir.

Mənbə: bbc Azərbaycanca