3. Nisbidir oyanmağın gözəlliyi.
Buzdan parça əllərimdə gəzir bədənini.
Militant saçların dağınıq,
Baxışların xəstə ümidsizliyi.
Yatağın qırışan tərəfi üzünün kopyasıdı.
Mənim başım xarab.
Sənin ağzın.
Sadəcə eşqlə izah edilə bilməz bəzi şeylər,
Heyranlıq da ola bilər.
Vəhşilik, paltarının söküklərində,
Bənzərsiz səhər yeyişmələrinin izləridi.
Sayəndə hamısı öz yerində qalacaq.
Həm,ikimiz nələri ertələmədik ki,bu günə qədər?.
Yatağın qırışmayan tərəfi,
Sabah ikimizdən də hesab soracaq.
Və öp
Və durmadan öp ruhumu.
Qurtul səni bu qədər arzulayan canavardan.©