13. Bu gün ölkədə LGBTiQA lar rahat yaşa bilmirsə, son günlərdə hücumlar srtısa səbəbi sistemdir. Namusun qanunları üstələdiyi ölkələrdən biri olan Azərbaycanda bəlkə də artıq insanlar "qürur ayı" anlayışını başa düşürlər. Başa düşürlər ki, petuxlar, qoluboylar, üzdəniraqlar, erkək fatmalar olaraq buradayıq və varlığımız iqtidarlarına təhdiddir. Onlar anlayırlar ki, biz daha çox basdırılmağa, zorakılığa, təqiblərə dözmürük. Artıq məkanlarımızı, evlərimizi, bədənimizi, kimliyimizi -bizim olan hər şeyi dövlətə, polisə, ailəyə rahatlıqla verməyəcəyimizi hamısı qəbullanır. Bu basğıların hər birinin ardında LGBTiQ fobik cəmiyyət və siyasi sistem dayanır. Əgər bir ölkənin prezidenti çıxaraq "avropada kişi qadından fərqlənmir" tərzi cümlələr işlədirsə, deməli o iqtidar günahsız deyil. Əgər yaşanan fobik hücumlara rəğmən heç bir tədbir görülmürsə, polis zorakılıq törədən insanları qoruyursa, hücumlar günbəgün davam edirsə, deməli hadisələr artıq təsadüfi olaraq böyüyən və bir-birini əvəzləyən proses deyil. Ən böyük günahkar isə təməl insan haqlarını çox rahatlıqla pozan, cəmiyyətin düşüncələrindən sui-istifadə edərək LGBTiQ lara qarşı televiziyalarda, 3-cü əl xəbər saytlarında propaqanda aparan dövlətdir.