17. Aləm qalxsa səni məndən almağa
Hamıdan alaram götürrəm səni.

Getsən də dünyanın sonuna qədər,
Düşərəm arxanca ötürrəm səni.

Sənsən gözəllərin şahı, ey afət,
Bir sənə salmışam mehri-məhəbbət.

Sən elə bir gülsən, olsam təbiət,
Hər bağda-bağçada bitirrəm səni.

Sən bir bəlasısan çərxi-fələyin,
Yıxdı məni fitnə gözün, kələyin.

Yanımda çəkilsə adı mələyin,
Gözümün önünə gətirrəm səni.

Mən Baba eşqinlə çəkmişəm zülüm,
Mən sənsiz dünyanı neynirəm, gülüm?

istəyirəm sənsiz qalmayım, ölüm,
Qorxuram ölərəm, itirrəm səni.
Məşədibabanı bu qəzəli ilə tanımışam. Ən sevdiyim qəzəli də budur. bir gün yenə alacam aparacam səni amma indi yox.