3. Evdəkilərin şikayətləndiyi
vərdişiminin qarşılığı bu imiş demək. "Dispozofobiya".
-Ver o qutunu görüm onun içində nə var
-Heç, elə b-
-Apar tulla bunları da. Qız elə bil zibillikdə yaşayır.
-Ey, dispozofobiyadır onun adı!
Əşya toplamağı sevirəm. Əslində bu əşyaları toplamağa başlayarkən məqsədim onları yararlı hala gətirmək olur. Amma heç vaxt belə etmirəm.
Evdə sadəcə topladığım əşyalarımı saxlamaq üçün ayırdığım çantalarım, sandıqlarım və qutularım var. Dəmir filizi və mərmər qırıntıları, sarıköynək lələkləri, palıd və şam qozaları, pozan tozu, bitmiş qələmlər, biletlər, qurumuş arılar, artıq geyinə bilməyəcəyim paltarlarımı atmazdan əvvəl onlardan kəsib saxladığım parçalar, yerdən tapdığım köhnə qəpiklər, yanmış kibrit çöpləri, şüşə kürəciklər, qum, geyim etiketləri, istifadə kitabçaları, 1 torba balıqqulağı və s. Hər birinin xüsusi bölməsi var. Tez-tez açıb təmizləyib yenidən yerləşdirməyi sevirəm.