1. Məzun olduğum lisey. Son 5-6 ildir ki, bəlkə də daha çox, Respublika üzrə ortalama üniversitetə qəbul balı ən yuxarı olan məktəbdir. Bizim sinifdə 617 bal idi ortalama səhv eləmirəmsə, mən 550 bal ilə özümü günahkar hiss edirdim, o dərəcə, halbuki 550 is no joke)) Təbii ki, bunun sirri, az şagird məzun olmasıdır. Liseyə imtahanla qəbul olurduq, üniversitet qəbul imtahanına qədər liseydən xaric edilənlər də olurdu zəif performanslarına görə, axıra qalan ortalama 25 şagird məzun olur(du) mən orda olanda, indi bilmirəm.

2011-ci ildə Biləsuvar şəhərində açıldı. Mərkəzi Bankın sponsorluğunda açılan məktəbdə 100-120 şagird oxuyurdu 7-ci sinifdən 11-ci sinifə kimi. Dərslər saat 9-da başlayıb, axşam 5-də bitirdi. Səhər, günorta yeməyi, məktəb forması, idman forması və s. hər cür pulsuz təmin edirdilər bizi sağ olsunlar. Mən 2016-da məzun oldum, səhv etmirəmsə, 1 il sonra, 2017-dən bəri ödənişli lisey olaraq fəaliyyətinə davam edir. Belə Azərbaycan üçün baxanda, yaxşı keçib məktəb illərim. Amma indi geriyə dönüb baxanda, daha yaxşı edə bilərmişlər deyə düşünürəm. insanları vizyonsuzluqları səbəbi ilə günahlandıra bilmərəm, amma liseyin heç vaxt IELTS, TOEFL, SAT kimi programlara bizi yönləndirmədiyi, xaricdə təhsilsin X-sının keçmədiyi bir ortam idi. Əsas məqsəd, Azərbaycan qəbul imtahanından balları müsadirə etmək idi.