259. duman dağı dolanar
qiyamət olar
duman yola sallanar,
müsibət olar
müsibət oluruq biz
səhv düşəndə yerimiz.

ümman gəmisi çayda
oturar üzməz!
çay gəmisi dağ boyda
dalğaya dözməz
dözümsüz oluruq biz
səhv düşəndə yerimiz.

muğan həsrət yağışa
buludlar xəsis
yagış tokur talişa
hey-hey gərəksiz...
gərəksiz oluruq biz
səhv düşəndə yerimiz.

küt bıçaq parıldayıb
xırçıltı salıb
qılınc qında pas atıb
qında kor qalıb
heyif, kor qalırıq biz
səhv düşəndə yerimiz.

ağ biləklər, gül əllər
tarlada qabar...
bir qeyrətsiz yekəpər
qızıl gül satar.
qeyrətsiz oluruq biz,
səhv düşəndə yerimiz.

tarın pərdələrini
düzənə qurban!
yerdəyiş et birini
xaric vurarsan.
xaric səslənirik biz,
səhv düşəndə yerimiz...