1. 11 avqust 2021-ci il tarixində iran islam Respublikasının ölkəmizdəki səfiri XiN-ə dəvət olunub.

Görüşdə səfirin diqqəti iran islam Respublikasına məxsus yük avtomobillərinin Qarabağa qanunsuz səfər etməsi ilə bağlı aşkar edilmiş arzuolunmaz faktlara cəlb edilib və bununla bağlı qarşı tərəfə nota təqdim edilib.

Notada son dövrlər dost iran islam Respublikasına məxsus müxtəlif təyinatlı avtomobillərinin davamlı olaraq rəsmi Bakının icazəsi olmadan Azərbaycanın Qarabağ bölgəsinə giriş-çıxış etməsi ilə bağlı narazılığımız ifadə olunub.

Bir müddət öncə iran tərəfinə şifahi şəkildə çatdırılmış narazılığımız, görüş zamanı bir daha iran səfirinin qarşısında qaldırılıb.

Görüş zamanı, bu kimi narahatlıq doğuran və iki ölkə arasında mövcud yaxın dostluq və tərəfdaşlıq münasibətlərinin ruhuna uyğun gəlməyən hallara son qoyulması istiqamətində iranın yeni administrasiyası tərəfindən əməli addımların atılacağı qeyd olunub.
mənbə: https://www.mfa.gov.az/az/news/no30321