1. bu sifarişi verən: reyn
Həyatımın həmin yaşa görə çətin olacaq dövrlərindən birindən keçən zaman dinləmişdim cigarettes after sexin bəzi musiqilərini. Grupun affection, apocalypse, k. Kimi parçaları istər-istəməz məndə özünə qarşı mənfi enerji yaratmışdı, çünki içimdəki bütün dərd-tasanı həmin musiqilərin üzərinə tökmüşdüm. Bir daha dinləyə bilməz hala gətirmişdim özümçün. Sonra yaxşılaşanda, bütün problem həll olunub travmaların üstündən azacıq da olsa gələndə birdən ayılıb "belə qrupu əldən verə bilmərəm" düşüncəsi ilə keçmiş bütün problem və travmalara qarşı qrupun musiqilərini yenidən açıb dinləməyi qərara almışdım. Playlistdə rastgele qarşıma ilk çıxan musiqi məhz bu oldu və sanki təskinlik tapmışdım bu parçada.

Bir çox insan sevgilisinə atıb ona onu nə qədər çox sevdiyini, onunla hansı xəyalları qurduğunu məhz bu musiqi ilə elan edir, bunu youtube videosundakı rəylər bölməsindən də görə bilərsiniz. Məndə isə işlər azacıq fərqli idi deyəsən.

Hər kəsdə olan kimi mənim də içimdəkilərdən biri- ən böyüyü, səhv edən, ehtirasına qapılan, düşüncəsiz hərəkət edən və ən çətin anında emosiyalarını bir çanta kimi alıb yerin dərin qatlarına enərək dünyadan uzaqlaşan tərəfə başını sığallarmış kimi, ağıllı məsləhətlər verib ona düzgün yolu göstərərmiş kimi daim bu musiqinin nəqarətlərini fısıldayırdı.

"nothing's gonna hurt you baby
as long as you're with me, you'll be just fine
nothing's gonna hurt you baby
nothing's gonna take you from my side"