4. 1 il əvvəl bu gün ölmüş, ölümü tasua gününə təsadüf etdiyi üçün basdırılma ritualı zamanı qəbri ətrafında mərsiyyələr oxunan sənətkar, söz ustadı, şair, qəzəlxan və meyxanaçı. meyxanaçılar içərisində meyxananın oynaq ritmində limitlənməyib söz ilə ustacasına oynamağı bacaran şairlərdən biri idi. keçən il ölən vüqar idi, basdırılan isə söz oldu.

üzün gülür, gülər üzlüm, üzündə güllər açıb
Gözün gülür, qara gözlüm, gözündə güllər açıb.

Dizin-dizin könül ol vadiyi-məhəbbətdə,
Sürünmüsən o qədər ki dizində güllər açıb.

Xəlil üçün odu döndərdi Rəbbi gülzarə,
Təəccüb eylədi Nəmrud, közündə güllər açıb.

O Kərbəladı ki torpağı ətri-qəm qoxuyur,
Çölündə qanlar axıbdır, düzündə güllər açıb.

Vərəqdi hər açılan gül kitabi-hüsnündən,
Nə qədri sirri-nihanın özündə güllər açıb.

Gəl ey gül üzlülərin şahi, yolların bəzənib,
Ayağın öpməyə xatir, izində güllər açıb.

O lalə üzlü qış ilhamına bahar gətirib,
Vüqar, səbəb budu sözsüz, sözündə güllər açıb.