junior eurovision - #341842 - Sözaltı Sözlük

5. 2021 versiyasını ermənistanın qazandığı yarışmadır. azərbaycan 5-ci yeri tutdu. belə bir vəziyyətdir ki, öz ölkənə səs verə bildiyin bir yarışmada xalq səsverməsindən 42 səs toplayırsan. və bu 42 səsin elə 5-nin bizim evdən çıxdığını düşünəndə havalanıram. 2021 təmsilçimiz sona əzizova möhtəşəm səsi ilə "one of those days" dedi. ciddi şəkildə vokal fərqi ilə azərbaycanı ən yaxşı şəkildə təmsil etdi. səhnə geyimi pis idi, rüfət ismayılın başının altından çıxmışdı. mahnı əla idi, və junior eurovision tarixindəki ən yaxşı mahnımız idi. yaxşı da yer tutdu amma jury vote sayəsində. xalq səsverməsi sadəcə utanc vericidir. indi yarışmanın səsvermə linkinin 2 gündür paylaşıldığı story-ləri bilərək ötürən, azercell-in atdığı mesaja "əəhh" deyə silən yarımbeyinlilər yenə də təbliğatını sərf eləmədiyi üçün etmədiyi bir yarışmanın nəticəsini lağlağı ilə paylaşıb "ermənistan qalib oldu, azərbaycan 5 oldu" yazan azərbaycan trolling hesablarının şərhlərinə yekə yekə, gic- gic şərhlər yazacaqlar. halbuki səsvermə pulsuz idi. özünə səs verə bildiyi bir yarışmada 50 səs belə verə bilməyən ölkənin vətəndaşları, eurovision-da aşağı nəticə alan kimi kin qusmağa başlayırlar. əslində nə olsa azdı, həqiqətən.
itv də bu yerdə öz ampulaslndan kənarda qalmadı. ermənistan təmsilçisi malena öz mahnısını ifa edəndə əvvəllər səssizliyə bürünən itv şərhçiləri, bu dəfə susmaq bilməyiblər və mahnını rəsmən kimsəyə dinlətməyiblər. dinlətmədikləri mahnının qalibiyyət anında nə ediblər, maraqlıdır doğrusu.
sona hər şeyin ən yaxşısına layiq idi, çünki qüsursuz çıxış etdi. təbriklər ona ki, azərbaycanı yarışma tarixində ilk dəfə top 5-ə salmağı bacardı və bunu jury vote ilə etdi. öz xalqımızdan isə xeyir gəlmədi. indi maraqlısı budur: azərbaycan gələn il yarışmaya qatılacaqmı, yoxsa yox? məlum, junior eurovision yerevan 2022 gəlir.

edit: canım sona yarışmadan sonra malèna ilə görüşüb, onu təbrik edib, qucaqlaşıblar. bu görüntüdən sonra çox güman ki gələn il yarışmaya qatılacağımızı düşünürəm. necə gözəl görüntüdür, kaş ki həqiqətən, doğrudan bu münasibətləri düzəldə bilsəydik...
video linki:
(link:

.