58. Bəxtiyar hacıyevin facebook paylaşımından (10 mart 2022) :

44 günlük müharibənin ən qaynar vaxtları idi. Dostlarla insanlardan yardım toplayıb, müxtəlif hərbi hissələrə çatdırırdıq. Bir gün Sədərəkdə alış-veriş edəndə komandamızdan bir dostumuz zəng etdi ki, pijama sayına 2 dənə əlavə edin, gələndə pulunu özüm verəcəm. Düşündüm ki, özü üçün istəyir. Ofisə gələndə məlum oldu ki, polis orduya gedəcək yükləri yükləyən gənclərimizi maska taxmadıqlarına görə cərimələyib, sonra içəri girib, pijamalardan ikisini götürmək istəyib. Dostlarımız etiraz ediblər ki, bunlar əsgərlərin payıdır, ona toxuna bilmərik. Polis israr edəndə dostlarımızdan biri deyib ki, narahat olmayın, mən deyərəm, əlavə alarlar, verərik. Mən öyrənəndə gec idi, artıq öz hesablarına aldıqları 2 pijamanı polisə vermişdilər.
Bundan bir müddət sonra komandamızdan başqa dostla Hadruta getdik, orada postdan buraxmadılar deyə Xocavənd ərazisində yardım gözləyən dostlara dedik ki, yardımlarınızı burada postda boşaldaq, qayıdaq, gəlib götürün. Dedilər siz gedin, gəlib götürəcəyik. Qutulardan birində 50 blok (500 qutu) siqaret vardı əsgərlərimiz üçün. Siyahı ilə göndərdiyimiz üçün açanda baxıblar ki, cəmi 5 blok siqaret var, 45 blok yoxdur.

Mən DiN rəhbərliyinə müraciət etdim, əsgər payını polisə əmanət etdiyimizi, polisin isə 45 blok siqareti yoxa çıxardığını dedim. Araşdırma apardılar, polisi cəzalandırmaqları barədə məktub yazdılar, amma 45 blok siqareti göndərmədilər bizə ki, sahiblərinə çatdıraq.

indi bunları niyə yazıram? Dünən məni saxlayanda pulqabımı götürmüşdülər, içində ya 100, ya da 150 (50-ni manata çevirməmişdimsə) dollar var idi. Mənə qaytarılanda o yox idi. Üstəlik, maşınımın arxa şüşəsini də sındırmışdılar və canlı yayımda da görüldü.

Dostlar deyirlər ki, DiN-dən tələb edək həm pulu, həm avtomobilə vurduqları zərəri ödəməyi. Deyirəm müharibə vaxtı əsgərin pijamasına, siqaretinə göz dikən polisdən bir şey istəməyə dəyməz.
indi bu DiN dünəndən səhifələri, trolları, himayə etdikləri özləri əxlaqda trolliçaları ilə məni qaralamağa çalışırlar. Müharibə vaxtı cəbhədə döyüşən əsgərin pijamasına, siqaretinə göz dikənlərdən hər şey gözləmək olar.