1. Başqa ölkələri bilmirəm, amma bu ölkədə qrafik dizayner adobe və microsoft office proqramlarının hamısından onları kodlaşdıranlardan daha yaxşı agah olmalı, brif olmadan olmayan şeyi oldurmalı, üstəlik sosial media hesablarını idarə etməlidir ki, yaxşı pul ala bilsin. Bu səbəbdən də, xüsusilə yeni başlayan dizaynerlər təcrübəsiz olduqlarından dolayı iş tapmaqda çətinlik çəkirlər, təcrübəsi olanlar isə layiq olduqları maaşdan daha azı ilə razılaşıb işləməli olurlar. Bəziləri, müvəqqəti çətinlik çəkib (az maaşlı işdə işləyib), müəyyən qədər udemy kurslarına pul yatıraraq biliyini artırır və xarici bazarda frilans olaraq (fiverr, upwork kimi saytlarda) işləməyə başlayır. Nəticədə, itirən yenə də bizim şirkətlər olur. Çünki, onlara qalan məhdud biliyə sahib dizaynerlər olur. Onlarla da hara kimi getmək olar, bilmirəm.
(bax: beyin axını)