bugün wiki təsadüfi son
sözaltı sözlük
məsləhət postlar mesaj Profil

...

bcaa

əjdahalar   googlla
supplement - cardio - protein tozu - shaker - iherb.com

    #sözaltı wiki təsadüfi wiki gətir

    yazarın wiki entryləri: ecofront - mimino - supplement
    2. branch chained amino acids, azərbaycan dilində tərcüməsi, şaxələnmiş zəncirvari amin turşuları. Daha dəqiq desək, 3 fərqli amin turşusunun birləşimindən ibarət, məşhur supplement növü. bunlar isə leysindən, izoleysindən və valindən ibarətdir. Əslində əzələnin inkişafı və bərpası üçün bütün aminturşuları bərabərdir, ama bəzi aminturşular daha bərabərdir. Onlarda bu bcaanın içindəki bu 3-lü aminturşularıdır. Əslində yediyimiz zülallı qidaların əksəriyyətin içində yetərli qədər bcaa var. Hətta daha dəqiq desəm, kilo artımına çalışan və ya kilosunu qorumağa çalışan birinin, bcaa istifadə etməsi üçün, hərhansı ciddi bir səbəb yoxdur, onsuzda qidadan yetərli qədər alacaqsınız.

    Əslində bcaanın istifadəsi üçün 2 ana səbəb var. 1. yetərli qədər zülal almadığınızı düşünürsünüzsə, yəni qidalanmanızda problemlər varsa, onda bcaa istifadəsi, alabilmədiyiniz zülal miqdarını, birazda olsa bərpa edir. Hətta edilən araşdırmaya görə, 2 fərqli idmançı qrupuna yetərsiz qədər zülal ilə qidalandırıp, birinə hərhansı bir əlavə supplement verilmədən ,digər qrupa əlavə olaraq bcaa qida əlavəsi veriblər və 3 aylıq araşdırmanın sonunda bəlli olub ki, bcaa verilən qrup əzələlərini 20 faiz daha yaxşı qoruyub. Ona görə, arıqlayarkən zülal ehtiyacımız extra daha çox arttığı üçün və bu qədər yüksək miqdarda zülallı qidalar ilə qidalanmağın çətin olacağı üçün, supplement yəni qida əlavəsi olaraq 1-2 ölçək bcaa alıb işlədəbilərsiniz.

    2. səbəb isə əsasən ac qarına idman və ya kardio edərkən, hər hansı bir yeməklə qidalanmaq insulini pozacaq. bcaa işlədərək isə acqarna idman və ya kardio edərkən insulini pozmadan əzələ itkisini minimuma rahatlıqla endirmək olar.

    Birdə bcaa alarkən fikir verəssiniz üstündə əsasən 2-1-1 , 6-2-2 , 10-2-2 kimi yazılar olur. Bunlar içindəki leysin, izoleysin və valin miqdarını bildirir. dediyimiz kimi bu 3 aminturşu digərlərindən daha önəmlidir, lakin bu üçlüyün içində leysin daha da önəmlidir. Ona görə leysin miqdarının digərlərindən nisbətən çox olması önəmlidir. Lakin 20-1-1 kimi fantastik fərqlərdəndə uzaq durun. 4-2-2 kimi miqdarlar yetərlidir.

    idman zallarında istisnasız treynerlər bcaanı hamıya soxuşdurmağa çalışır. içəri girəndə, hamının su butulkasında paraşok içdiyini görəssiniz, o bu həmin bcaadı. Üstdə yazdığım kimi, özünüz oxuyub, sizə lazım olub olmadığına qərar verəbilərsiniz.

3 əjdaha

zazoza
#348343


05.04.2022 - 21:41
+870 oxunma
wikiləyən: zazoza



hamısını göstər

üzv ol

...