5. Random gülüş də öz əvvəlki dadını itirdi artıq. Yuxarıdakı bir bəy, səmimi gülüş deyə tərifləndirib "random gülüşü". Məncə, artıq, insanlar random gülüşü də səmimiyyətsizcə ata bilirlər.

Hələ bir anım da var idi random ilə bağlı. Bilmirəm gülməli olar ya yox ama danışım.
Universitetə yeni qəbul olmuşdum. O zamanlar da, yeni qəbul olan gənclər, universitetin sosial media hesablarında tanışlığa yay bitmədən başlayırlar. Mən də ixtisaslarımız eyni olan bir neçə gəncin olduğu qrupa qatılmışdım. Məqsəd də sosiallaşmaq zad deyildi, sırf qatılmaq üçün qatılmışdım. Uşaqlar söhbətləşərkən, biri random atmışdı, digəri də "qaqa, bu nədir yazmısan, hansı dildədir, anlamadım?" Demişdi. Bunun üzərindən iki gənc arasında qırışmalı bir dava düşmüşdü.