8. Yarı online, yarı əyani olaraq artıq 2ci illini başa vurduğum universitet. Düşündüm ki, biraz danışa bilərəm “unimiz” haqqında. Açığı düşünüləndən çox aşağı biryerdi. O qədər bərbad kafedralar, müəllimlər, lazımsız fənlər, qayda-qanunlar var ki, say say bitməz. Şəxsən indiki ağlım olsaydı bu universiteti seçməzdim, ümumiyyətlə tibb təhsilini seçməzdim Azərbaycanda. Ona görə yox ki, çətindi ya maraqsızdı, əksinə marağım böyükdür bu sahəyə, sadəcə ölkədə sanballı universitet yoxdur bu təhsil üçün. Təzəlikcə beynəlxalq tanındı hətta diplomu. Nə qədər işəyarar, nə qədər düzgün məlumatdır, bilmirəm. Amma yeni proqramlar, genişləndirilmiş və əzbərçilikdən nisbətən uzaq dərs metodları ilə sanki inkişafa cəhd var. Sadəcə müəllimlər yenə də eyni müəllimlərdir deyə tələbələrə, yeni sistemə alışa bilmirlər. imtahanlar cəhətdən də narahat olmağa dəyməz. Midterm və final imtahanı sualları sizə əvvəlcədən veriləcək və normal dərsə gəlsəniz kəsilmə ehtimalınız 0a bərabərdir demək olar.

Ən çeşidli tələbə növlərin görə biləcəyiniz universitetdir bəlkə də tibb. Gecə gündüz dərs oxuyandan, atunu Azərbaycanın harvardı zənn edən mi deyim, heçnə oxumuyub “onsuz hələ də rüşvət keçir 60 manat verib imtahanı keçəcəm” deyib, sonda s.kimə qərq olanı mı deyim, nə axtarsaz var. Bütün günü sosialda tibbi meme paylaşıb, “biz tibbde oxuyurug e djan dersimiz hedsiz cetindir, hami da bize paxilliq edir”deyən əsəb mənbəyi qrup yoldaşı hədiyyə verilir atuya daxil olanlara. Və daxil olan uşaqların 90 faizi bura girdiyinə peşman olub atuya daş qoyanı, 4cü qrupa hazırlaşdığına görə öz kəlləsinə söyür.

işdi bu yazdıqlarımdan sonra da “yox, mən o ağ xalatla instada şəkil paylaşacam” deyirsizsə onda bir iki məsləhət verə bilərəm. (öz təcrübələrimdən və böyük kursların təcrübəsindən yararlanılmışdır.)

1. Atunu seçməzdən əvvəl dərin dərin düşünün. Burada oxuyanlardan çox dərindən maraqlanın, çünki geri dönüşü olmayan(!) 6 ilə başlayacaqsınız və məktəbdə nə qədər savadlı olursuzsa olun, əmin olun ki 3 dərs içində 1 kitabı bitirəndə beyininiz özünü söndürəcək.
2. Çalışın sizə ən uyğun sahəni seçin. Mən mütləq müalicədə oxuyacam deyə birşey yoxdur. Şəxsən ən məsləhət görəcəyim ixtisas stomatologiyadır. Klinikası yeni, müəllimlərinin əksəriyyəti cavan və başadüşən, keçilən dərslər digər ixtisaslara nisbətən daha tez vacibləşir. Artıq 2ci kursdan kliniki fənləri keçməyə başlayasız. Və rəşid müəllim demiş “5 il heçnə oxumayıb axırda da ən çox qazanan peşəyə sahib ola bilərsiz” -*
3. Universitetə başlamamış, ya da birinci kursdan alman dilini öyrənməyə başlayın. Tibbdə ən vacib dildir demək olar. Gələcəkdə Almaniyada kurslar, rezidentura hazırlığı üçün əsas şey dil bilgisidir. “hələ çox var, öyrənərəm”deməyin, tez başlayın. Alman dili də olmasa ingilis və rus dillərini müəyyən səviyyədə, “medicalı”az çox başa düşəcək qədər bilin.
4. Biz bəxtdən ilk kursu online yola verdik, ona görə də anatomiya kafedrasına baş çəkmədik, amma siz yəqin ki, baş çəkməli olasınız. Orda heçnəyi və heçkimi sorğulamayın, sadəcə nə deyirlər onu edin. Dünya qanunlarından bağımsız bir yerdir ora.
5. Təzəlikcə deyəsən “meydantv”-nin yayınladığı bir məqalədə hər il, Azərbaycan Respublikası dövlət büdcəsindən 5 universitetə pul ayrıldığını yazmışdılar. Bunlardan biri də tibb idi. Amma norfiz kafedrasında “təcrübə üçün qurbağa almağa pulumuz yoxdu” kimi sözlər eşidə bilərsiniz, ona görə də universitetin verəcəyi praktikaya heç güvənməyin, demək olar heçnə öyrənməyəsiz. Tanış-qohum həkimlərdən praktika üçün kömək istəyin. Belə imkanınız yoxdursa, Facebookda bir çox qruplar var, praktika üçün tələbə axtaran klinikalar, həkimlərin biryerdə olduğu. Biraz araşdırsaz tapa bilərsiz.

Məncə maraqlı yerdir. 2 ildə mənə möhtəşəm dostluqlar, sevgilər, əla müəllimlər və sayısız təcrübələr qazandırdı bu universitet. Buranı seçəcəklərə bol uğur və səbr arzulayıram -*