4. Burada sizin hansı əxlaqi dəyərlərə malik olduğunuz ilk öncə önəm daşımaqdadır. Belə ki, siz dindar ya da milli-mənəvi dəyərlərə bağlı bir insansınızsa sizə görə cəmiyyətdə pozğunluq və əxlaqsızlıq geniş şəkildə yayılıb, əgər dinsiz ya da siz milli-mənəvi dəyərləri önəmsiz sayan birisinizsə sizə cəmiyyət xeyli inkişaf etmiş olacaqdır..
Lakin, burada hər iki tərəf yanılır. Əxlaqi dəyərləri heç zaman keçmişə və ya gələcəyə nəzərən ölçə bilmərik. Baxın, 100 il öncə çadra taxmayan bütün qadınlar əxlaqsız olaraq görülürdü, amma indi siz heç bir qadına çadra taxmadığı üçün əxlaqsız adlandıra bilməzsiniz. Əxlaqi dəyərlər, dövr dəyişdikcə dəyişir. 20 il öncə əgər ölkəmizdə qadınların şalvar geyməsi yayğın deyildisə, normal qəbul edilməyə yeni-yeni başlanılmışdısa, hal-hazırda bu heç kəsə problemli görünmür( Başında beyin yerinə, peyin gəzdirənləri çıxmaqla).
Burada əxlaqi dəyərlərlə bağlı olan problem isə, 20 il öncə ölkə kanallarında xarici əsasən türk serialların yayımlanmağa başlanan, hal-hazırda isə sosial şəbəkələr vasitə təbliğ edilən ilə "azadlıq" anlayışıdır.. Ərinə/arvadına xəyanət etmək, başqasının dəyərləri ilə məzələnmək, günün trendi altında insanları cəhalət burulğanına çəkmək "azadlıq" demək deyildir. Gəlin qəbul edək ki, Bizim əxlaqi dəyərlər sistemimiz laxlayıb, ( təbii ki, mən ölkəmizdəki subay qızların qaş almaması, oğlanların duyğusuz varlıqlar kimi yetişdirilməsi, gender bərbərliyinin pozulması kimi məsələləri əxlaqi dəyər saymıram). Problem buradadır ki, bəzi sadaladığım problemli məqamları ön plana çıxarmaqla ölkənin bütün milli-mənəvi və əxlaqi dəyərləri məhv edilir. 20 il öncəki və indi əxlaqi dəyərlər arasında ən diqqət etməli olduğumuz məsələ budur.. biz getdikcə daha da cahil bir topluma çevrilirik..