(youtube: 
)
)Betərin də betəri var,
Nə olsun, bu da kədərdi.
Daha da betər gözləmək
Betərindən də betərdi.
Fikir-fikir dolaşıram,
Bölünürəm, çox oluram.
Ya gəzirəm başdan sona,
Ya biryolluq yox oluram.
Yox oluram gələr kimi,
Yox oluram gedər kimi.
Doğuluram təklik kimi,
Dil açıram betər kimi.
Evi gəzib tanıyıram,
Unuduram ağrıları.
Bu masadı, bu pəncərə,
Bu da ki, çıxıb gedəndə
Unutduğu sırğaları.
Heç nəyə yetə bilməmək
Bir özümə yetər gəlir.
Daha darıxa bilməmək
Darıxmaqdan betər gəlir.
Pəncərədən günəş çıxır,
içəridə çovğun indi.
Betərin də betəri var -
Al, bununla ovun indi.