3. az öncə təsadüfən öyrəndim, bakıda 2014-də greenfest keçiriləcəkmiş. 1 saat axtarışdan sonra öyrəndim ki 13 iyun 2014-də tofiq bəhramov stadionunda keçirilməli olan festival, pis hava şəraiti səbəbilə mor ve ötesi, duman və manga qruplarının hər üçünün bir araya gələ biləcəyi ən yaxın tarix olan 12 sentyabr 2014 üçün cyrstal hall-a təxirə salınıb. biletlər də 25-35 manat arasında dəyişirmiş. amma yenə festival baş tutmayıb, bu səfər niyə baş tutmadığını tapa bilmədim, bilən bizi aydınlatsa, çox sevinəcəm. festival carlsberg şirkətinin təşəbbüsü ilə 2005-ci ildən bəri müxtəlif ölkələrdə keçirilirmiş, 2014-də nəhayət bakıya təşrif buyurubmuş. mənim ən çox diqqətimi çəkən də "mor ve ötesi - 13 iyun - bakı" şanssızlığı oldu ki, qrup ilk konsertini burada 13 iyun 2014-də bu festivalda verəcəkmiş, baş tutmayıb. bundan sonra yenə ilk konsert üçün 13 iyun 2020 tarixi təyin edilmişdi, onda da covid imkan verməmişdi. 13 iyun bunlara və bizə düşmür anlaşılan. bu konsert də tamamilə ləğv olunacaqdı amma mor ve ötesi-nin israrları və mübarizəsi ilə qrupun ilk azərbaycan konserti nəhayət 25 dekabr 2021-ci ildə baş tutmuşdu.

anyway, bu festivalın baş tutmaması ilə bağlı kimin məlumatı varsa, çox xahiş edirəm, məlumat versin.