244. Bəzən cəhənnəmdir, bəzən isə qurtuluşdur.
Cəhənnəmdir, hər kəs az-çox bilir. Çəkilməzdir. Yazdırandır. Ya da nə bilim, bəlkə də ən böyük motivasiyadır. Ondan qurtulmaq üçün təbii ki. Qurtuluş olduğu yer də elə cəhənnəm olmasında yatır. Hansı ki, cəhənnəmi özünə yurd seçənlər bundan bəlkə də zövq alar. Amma zövq alınası bir şey deyil. Acınılası da deyil. Onlar bəlkə də qorxmazlar yalnızlıqdan.
Hamı öz içində üsyan edir əslində buna, mən yalnız qalmaq istəyirəm deyən adam belə, məlum məsələdir ki, özü ilə baş başa qalmaq istəyir. Ən böyük partlayışların, sıçrayışların, dəyişikliklərin baş verə bilməsi üçün ən ideal zamandır yalnızlıq. Yalnızlığı gərək 3-5 gün yaşamayasan. Onun bütün acısını içinə çəkəndən sonra, siqareti külqabıya basanda bir daha belə olmamasına söz verirsən.

Yalnızlıq da göreceli anlayışdır. Hər kəsin içərisində də yalnız qala bilirsən. Hərdən elə olur ki, yalnızsan, amma elə birini düşünürsən. Əsl yalnızlığı yaşamaq üçün bundan da əl çəkmək lazımdır. Ətrafında az insanın olması deyil yalnızlıq. Səni heç kimin yormamasıdır, səni heç kimin yadına salmamasıdır. Söhbət ailə münasibətlərindən getmir. Ümumiyyətlə insan ilişkiləri elə bir şeydir ki, ailəyə gələndə hər şey tamam dəyişir. Ailəsinin üz qarası olan adam, əslində çox gözəl bir insan da ola bilər, ailəsi ilə yaxşı keçinən, amma hər gecə təklikdən ağlayan bir adam da ola bilər. Yalnızlıq bilirsən nədi, durduq yerdə bir sözdən, bir hadisədən çıxardığın mənanı gedib kiməsə danışa bilmirsən. Anlaşılmaq söhbəti deyil e, onsuz da heç kəs bir birini tam anlamı ilə anlamış deyil. Sadəcə danışıb deyə bilmirsən. O sənə o qədər yaxın deyil, o səninlə bunu danışılacaq qədər yaxın deyil. Burda görecelilik yoxdur, kiminsə kiməsə nəzərən yaxınlığından söhbət getmir. Sənin ətrafının sənə çəkdiyi sərhəddin içərisində deyil onlar. Yalnızlıq yəqin ki bu da olmazdı. Müqəddəs bir şeydir, gərək elə yaşayasan ki, bir daha o günlərə qayıtmayasan. Necə ki, hazırda çoxumuz o yolda addımlayırıq. Bir də yalnızlıqdan qurtulmaq tam anlamı ilə öz əlimizdədir. Nejat işler demişkən,
-bu kadar insan yalnızsa neden bu kadar insan yalnız, düzü o bir az başqa cür demişdi, hər nəysə. Yalnızlıqdan qaçmaq lazımdır, amma o duruma düşdükdə ondan tamam istifadə edilməsi şərtdir. Yoxsa yalnızlıq dalınca ölümə belə aparar səni