16. Çoxları üçün həyatı gözəlləşdirən, bəziləri üçün isə zindana döndərən, amma ümumi olaraq götürəndə insanı yaxşı hiss etdirən şeylərdən biridir. Sözlükdə, əsasən də postlarda tez-tez saçları ilə gündəmə gələn bir yazar olaraq, bu başlığa yazıb, öz məsləhətlərimi sizlərlə bölüşməyim tam yerinə düşərdi. Nə çərənləyirəm ala mən -*

Uzun saç dediyin, az qala din kimi bir şeydi. Deməli necə, dinə qıraqdan baxanda deyirsən ki, ala bu nə mənasız şeydi, halbuki həmin dinə inanan insanların az qala qapıdan hansı ayaqla içəri girməsindən, yataqda hansı pozalarda sevişməsinə qədər insanın həyatına təsir edir. Məlum məsələdir ki, biz də bir qədər mühafizəkar ölkədə yaşadığımızdan, din söhbətinin ucunun haralara gedib çıxacağı və doğurduqlarını da bilirik, görürük. indi ayqa, sən, saçını uzatmağa çalışırsansa, sən də belə absurd olaylara hazır ol, çünki izah edəcəklərim, danışacaqlarım sənin də ömrünü yerdən-yerə vurub, göyə qaldıracaq. Qohumlar arasında adətən "ə kimin qızıdı ə bu"dan tutmuş, "kaş sənin saçın məndə olardıeyhhh" deyənlərə qədər çıxacaq. Hə, bir az oliqarx, ya da rayonlarla əlaqəsi çox da olmayan bir ailədənsinizsə, bunlar sizə o qədər də aid deyil.

Mən saçımı 2021-ci ilin may ayında uzatmaq fikrinə düşmüşdüm, elə də uzadırdım. Amma ağlımda heç bir fikir yox idi, necə uzadacam, necə uzadılmalıdır, mənə yaraşacaq, yoxsa yox. Həm də bunu bir az da kompleks etmişdim, çünki yay fəslində həqiqətən çox çirkin və tipsiz görünürəm. Qısaqol və nazik köynəkdə adama elə hiss bağışlayıram ki, elə bil külək vursa uçacam. Amma məndən asılı deyil ey, qadan alaram(bu nədi ala kayf başıma vurub qazaxlılar kimi danışıram) mən bu içini sikdiyimin kilosunu 10-cu sinifdəndir qaldıra bilmirəm. 10-cu sinifə qədər 85 kq olan çəki, 2 illik abituriyent səfsətələri ucbatından gəldi düşdü elə bir səviyyəyə ki, hələ də yay fəslində küçəyə çıxmağa utanıram bəzən. Ümumi olaraq, bu sualları mütəmadi eşidirəm,
-sənə evdə yemək vermirlər, bala?
-çöpsəne ala, bir az yemək ye...
-gəl qol güləşi edək
-püləsəm yıxılarsan e gijdıllağ, nə boş-boş danışırsan və s.

Bunun bir az da, uşaq vaxtından ağırlıq qaldırma, güləş, boks kimi ağır çəki, ya da əzələ kütləsi tələb edən idman növləri yerinə, karate, kung-fu, aikido kimi absurd idman növlərinə getməyimdə görürəm mən. Hər nəysə, valideynlərim hər dəfəsində olduğu kimi, burda da ömrümün içinə sıçmağı bacarıblar. Halal olsun

Mövzudan yayınmayaq, deməli uzun saçlarınız olanda belə şeylərlə qarşılaşa bilərsiniz. Bəzən iş görüşməsinə gedəndə, "bu saçlar belə də qalacaq? Kəsdirmək fikriniz yoxdur?" Sualları verən gijdıllaxlar da çıxacaq, onsuz da belə deyən bir müdirdən, hr-dan, onun səni götürdüyü işdən bir xeyir gəlməz, sikdir edin, istər dövlət müəssisəsi, istərsə də, özəl.
Evdəkilərin tez-tez "məni biabır elədin" sözləri və s. Atam bir dəfə qayçı ilə üstümə gəlib, boğazımdan yapışıb kəsməyə çalışmışdı, güc-bəla ilə qurtulmuşdum əlindən, axşama kimi küçədə orda-burda fırlanmışam gözünə görünməmək üçün. (baxma: Adam özel kuvvetçi çıktı rza baba)

Ala hər nəysə, bunları onsuz da özünüz görəcəksiz. Mən əvvəl proqramlarla falan, özümə uzun saç zad qoyurdum ki, görüm mənə yaraşır ya yox. Amma yaraşmırdı. Niyə, çünki birdən birə qarşında özünü dəyişilmiş görəndə, istər-istəməz irkilirsən o görüntüdən. Məncə belədi səbəbi, bilənlər ağac zad əksin. Saçı uzatmağı ona görə istəmişdim ki, yuxarıda dedim, çox tipsiz idim, yay fəslində. Sifətdən normalam, di gəl ki, bədənim yaraşıqlı deyil, nə bilim ala və s. Dedim qoy gözəl saçlarım olsun, ondan sonra abra kadabra. Sözlükdə barracuda adlı yazar xəbərdarlıq etmişdi ki, özgüvəni çox aşağı salacaq saç uzatmaq. Ki, həqiqətən də elə oldu. Nə uzun kimi uzun idi, nə qısa kimi qısa. Nə yığılırdı, nə olduğu yerdə sığalladığın kimi qalmırdı. Tam bir baş bəlası -*

Sonra nə oldu, gün keçdikcə daha çox iyrənməyə başlamışdım özümdən, güzgülərə nifrət edirdim. Söyürdüm, deyirdim mən nə qələt elədim bunu elədim, amma bir yandan da kəsdirmirdim, deyirdim, onsuz çıxıb əsgər gedəcəm, qoy getməzdən əvvəl bir dəyişiklik olsun.

2021-ci ilin yayın sonu idi, avqust ayının ortaları daha doğrusu. Atam da cavanlıqda uzun saç saxlayan biri olub, o da dedi gəl mən sənin saçını düzəldəcəm, uzada biləcəksən qəşəng. ilk məsləhətim odur ki, bərbərə gedib de ki, mən bu saçı uzadacam, elə bir forma ver ki, sonra uzananda yaxşı görünsün. Ki, balaca da məlumat verim, 11-ci sinfi qurtarana qədər mənim bərbərim atam idi -* onun da absurd bir hekayəsi var, hər nəysə

Bərbərə başa salırsan ki, uzadacam, elə götür ki, uzadanda normal görünsün. Daha çox, kənarları ağartmaq kimi başa düşürlər amma əslində elə deyil. Ona görə, özünüzün yaxşı tanıdığınız bərbərə gedin. Kənarlar tam ağarmır, amma heç boz da deyil. Elə qara rəngdə də qalır. Həmçinin arxa. Ki bu da istədiyiniz saç modelindən asılıdır, mən kurt cobainin saçından istəyirdim, onu tutmuşdum nəzərimdə, indi uje elə bir saçım var ki, heç kəsin saçına bənzəmir amk
Bunu eləyəndən sonra, avqustun ortalarından düz fevral ayına qədər, saçıma əl dəymədim, ancaq uzanırdı. Tema burda başlayır elə, həmin o çirkin görüntü insanın bildiyin ömrünə oturur da. Bilən bilir, həmin vaxtlara elə gəlib düşür mənim "bərk" depressiyaya düşməyim.

Fevral ayında da bərbərə gedib, eyni şeyi deyirsən, elə kəs ki, uzadanda bu şəkildəki saça bənzəsin. Yenə tanıdığınız bərbər olsa yaxşı olar. Mən bakıda idim deyə tanımıram çox bərbəri burda, ona görə gedib "üst level" * 10 manat pul vermişdim amk bir bərbərə kəsdirmişdim. Həmin vaxt da, elə də çox əl dəyilmir əslində saça, bəzi əyri çıxan yerlər, artıq görünən yerlər kəsilir. Hansı ki, həmin yerlər, bir neçə ay sonra uzanıb normal da görünəcək.

Fevraldan bu tərəfə də, artıq saçlarım çox uzanıb, bir il öncəki şəkillərə baxanda, hərdən özümün köhnə şəkillərinə baxanda, ortaya iki cür görüntü çıxır fərqli. Əvvəllər yaraşıqlı görünürdümsə təkcə, indi həm yaraşıq var, həm şirinlik var, həm coolluq var, bir az da rokçu-metalçı tipi sezilir, hər dəfə bu sual gəlir mənə ki,
-qaqa, sən indi rokçusan da hı?
-hə qaqa

-qaqa, sən deyəsən gitaraçı zadsan
-hə ayqa, gitaraçı zadam.

Sözüm ondadır ki, uzadın, uzatdırın. Ziyanından çox xeyrini görəcəksiz. Yuxarıda məni nə qədər yıxıb sürüdüyündən danışmışam, indi yaxşı tərəflərini saysan lovğalıq kimi görünəcək, bun da nə sənə, nə mənə ləzət eliyəcək, sonra da ver umbayı. Onsuz bayaq özümə yaraşıqlı, şirin, cool zad dediyimçün, telefonu 10 saniyəlik söndürüb yandırdım aq.

Hərdən bir gecə üzü üstə yatanda, başımı yana çevirdiyim vaxt, gözümə girirlər, küləkli havada vopşe önümü görə bilmədiyim olur, bir balaca cəld hərəkət edəndə düşür gözüm üstünə filan, amma zordurlar. Kəsdirmək fikrim də hələ ki, yoxdur. Onsuz da bilirəm ki, daha doğrusu, saçını kəsdiyini, kəsdirdiyinu gördüyüm bütün qızların demək olar hamısı, sonradan buna peşman olublar.

Saç yığmağa gələndə isə, çalışın vaxtından əvvəl yığmayasan, çünki həqiqətən çirkin görünür. Onsuz da, uzanma ərəfəsində, insan özü özündən iyrənir, bir də qıraqdan biri yığılı saçlarına nəsə desə, gedib başını keçəl edər adam. Mən etməmişəm, amma yəqin ki, etmiş olsaydım, belə bir hal başıma gəlsə idi, "sikdirsin vapşe" deyib anlıq qərarla hər şeyin içinə pox qoyardım.

Bir də genelde saç uzadarkən, kənarları ağardıb üstü uzadır çox insan ki, bu çox rahat da yoldur. Amma hərtərəfli uzanmasını istəyirsinizsə, yəni sırf yığmaq dərdində deyilsinizsə, kənarları ağardıb, sözüm məclisdən kənara, ərgən repçi qaqaşlara oxşamağının adı yoxdur. Normal uzat, zor uzat. Kim də nəsə desə gərək qozuna almayasan çox da, çünki sonra tez yorularsan, ani bir qərarla, onların istədiyi kimi olarsan.

Yumağa gəldikdə isə, vaxtlı vaxtında yusan yağlanma, kəpək zad belə problem olmayacaq. Bu arada, bu yuxarıda yazdıqlarım gur, düz saçlar üçün keçərlidir, buruq, seyrək, tez tökülən saçlarda necə uzanır, necə görünür onu bilemem. Uzatmadan heç kəs bilə bilməz əslində di nəysə.

Bu yuxarıdakıları et, 1 il ərzində, sonra təşəkkür edərsən.