1. italyan rejissor ettore scolanın 1977-ci il istehsalı filmi. baş rollarda sophia loren və marcello mastroianni oynayır.
film 1938-ci ildə romada, hitlerin italiya ziyarəti zamanı bütün vətəndaşların parada getdiyi gün binada tək qalan antoinetta adlı qadın və Gabriel adlı bir kişinin bir günlük hekayəsindən bəhs edir.

---spoiler--
-
antoinetta ailəli ənənəvi bir qadındır, təhsilsiz və dünyaya baxışı yaşadığı mühitin qanunları əsasında şəkillənib, Gabriel isə onun əksinə təhsilli intellektual bir kişidir. fəqət hökm sürən faşist hakimiyyətində ikisi də əzilmişdir: antoinetta qadınlar üçün biçilmiş rolların əsiridir, Gabriel isə homoseksual olduğu üçün işindən qovulmuşdur.
bu iki fərqli insanın təsadüfən qarşılaşmaları ikisinin də həyatını dəyişər. intiharı düşünən Gabriel, Antoinetta sayəsində yenidən canlanarkən, antoinetta isə Gabrielin getdiyini görüb öz taleyi ilə barışar, gabrielin verdiyi kitabı həvəsli oxumağı dayandırıb ərinin yanına yataq otağına qayıdar.. sonu çox təsirlidir.
-
--spoiler---
sophie Loren baxımsız ev qadını rolunda belə öz cazibədarlığı ilə valeh edir, marcello isə əsl maskulin kişi arxetipidir.
qəribə şəkildə filmin sujetində gün keçdi filmimiz ilə çox bənzərliklər var, hətta adlarında belə eyni söz keçir: gün keçdi və xüsusi bir gün. bunun təsadüf olduğuna inanmaq istəmirəm amma gün keçdi daha əvvəl çəkilib və italyan rejissorun onu izləmə ehtimalı çox azdır.
həmçinin ferzan özpetekin la finestra di fronte (qarşı pəncərələr) filmində bu filmdən izlər görünür....