287. Şərab gedib xatirələr qapısın,
Döyənəcən, döyənəcən içmişəm.
Dostlar məni tərifləyib hər dəfə,
Öyənəcən, öyənəcən içmişəm.

Ağlamışam kiminsə bir sətrinə,
Göz yaşımın qoxusu nə, ətri nə?
Kimsə mənim, mən kiminsə xətrinə,
Dəyənəcən, dəyənəcən içmişəm.

Üzüm üzə, gözüm gözə isindi.
Könül umdu, umduğundan küsündü.
Hansısa dost mənə: "içmə, bəsindi!"
Deyənəcən, deyənəcən içmişəm.

Gül arzumu yazda vurdu bu şaxta,
Mən nələrdən keçib gəldim bu vaxta?
Bu ömürə, bu taleyə, bu baxta,
Söyənəcən, söyənəcən içmişəm.