227. gün ərzində işlə bağlı olaraq mütəmadi şəkildə bir problem üzərinə fokuslanırıq və bəzən bu problem günlərimizi ala bilir. ya da bəzən səhərə qədər kompüterin başında durub xırda-xuruş işləri bitirməli olursan. 2 aydır ki, məni dəhşət yoran bir proyekt var, başımı itirmək həddini gətirmişdi bir ara. bu tip proyektlərin əsas problemlərindən biri odur ki, proyektdə problem qalırsa, özünü başqa yerə də tam olaraq fokuslaya bilmirsən. Son günlər veb üçün kod yazmaq, mobile üçün kod yazmaq, gündə 3 intervüyə girmək, yəni, qısası, konkret yorulur adam.
Vebdə "window" dediyimiz obyekt ( object) mövcuddur. Qısaca desəm, veb səhifədə gördüyünüz bütün funksiyanallıqları ehtiva edən obyektlərdən və metodlardan təşkil olunmuş obyektdir. Nə başınızı ağrıdım, bu gün işdən yorğun-arğın çıxıb tutdum elmlərin metrosunun yolun * Allah səbir versin sizə, ay Elmlərdə oxuyanlar. Nə uzun, zay m/s-dir . Nə isə uzun əziyyətlərlə çıxdım metrodan, girmişəm Araz marketə. Siqaret götürəcəkdim. Yaxınlaşdım kassaya. kassirə:
- Salam. Zəhmət olmasa, bir paçka Winston xs caster verin (ən azından mən elə dediyimi zənn etdim bir müddət).
Bu dəm gördüm ki, kassir qız uğunur gülməkdən.
içimdən: - inşallah vindovs deməmişəm, - deyib soruşmaq istəyəndə qız:
- vinçestır? - deyib qorxduğumu təsdiqləyərmiş kimi güldü.
- hə, vindovs dedim?..
Onsuz vindovs xs caster (swh) olmadı, Sobranie Caster alıb yoluma davam etdim...