4. Azərbaycan dövlətindən də, xalqından da çoxdan ümidimi kəsmişdim, onsuz da düzələn deyillər, ancaq bu qədər sistemli bir axmaqlıq örnəyini heç mən də gözləmirdim. Həmişə məni yanıldırlar da, nə deyim halal olsun.
indi təsəvvür edin ki, hər hansı bir ölkədə, "irəvan azərbaycandır" dediyiniz və bu sözünüz random bir dılqırın xoşuna gəlmədiyi üçün, bu dövlətin polisi, prokurorluğu, məhkəməsi, hətta höküməti əlbir olur, aktiv müharibə şəraitində yaşamasına baxmayaraq və yarana biləcək potensial diplomatik krizisi qozlamayaraq, sizi adam oğurluğu, qanunsuz silah daşıma və hətta sağlamlığa zərər vurmaqla ittiham edir, böhtan atılır və sizə 8 il iş kəsir. Uşağa belə izah eləməyə çalışsan gülməkdən uğunub gedər. Amma di gəl ki, az qala bütöv bir kütlə xarici ölkədə lotuluq edib, çətinə düşəndə də milli və dini dəyərləri əlində oyuncaq edən bu qardaşımızın müdafiəsinə qalxıb. Hətta dövlət özü belə : bir tərəfdən xin ukraynaya nota göndərir, bir tərəfdən məsələ parlamentdə müzakirə olunur, bir tərəfdən də ukraynadakı azərbaycan səfirliyini boşu-boşuna məşğul edirlər. Yəqin bu cür hadisələrə görə gələcəkdə bizi avropaya buraxmayacaqlar, ilişib qalacıq bu xarabada.

Qaqa-auye tayfasının bu adamı nəyə görə sevdiyini anlayıram, biri tutulub saxlandığı yerin şüşəsini yumruqlayır, biri üzərinə gələn polislərə kəmərini çıxarıb sallayır. Təbii ki, bu qəbildən hərəkətlər qaqa tayfasını ehtiraslandıra bilər, maraqlısı isə sənin mənim kimi insanların da bu axına qoşulmasıdır. Burada iki ehtimal ortaya çıxır : ya bu kütlə hadisənin təfərrüatlarından xəbərdar deyil, ya da ki məsələ durduq yerə erməni-müsəlman davasına çəkildiyi üçün coşublar, halbuki ortada belə bir məsələ də yoxdur.

Maraqlısı odur ki, toplumu narahat edən vacib məsələlərə görə yox, məhz elə bu cür boş boş məsələlərə görə "xalq" olaraq reaksiya göstəririk. Qısası özünüzdən muğayat olun, sabah birigün müharibə iştirakçısı olan biri sizə qarşı da bənzər cinayət törətsə, zəhmət çəkib şikayət etməyin, onsuz da bəraət qazandıracaqlar, günah sizdə olacaq. Amma qanun-qayda da gözəl şeydir, bəzən hamıya lazım olur.

Edit : baxırsan, qaqaş özü səlist danışır, fikrini gözəl ifadə edir. Üstəlik özünə qarşı bir simpatiya da yarada bilib. Bu cəhətdən onu biraz ted bundyə oxşadıram.