69. 2019-cu il birinci kursun, ilk dərs günü idi. ixtisasım mühasibat uçotu və audit azsektorudur. 50 nəfərik. universitetdəki dərs cədvəli elə bir dizaynda idi ki, cədvəli anlamaq çətin idi. nəysə, tənəffüs bitib, dərs otağının yerini bilmirəm. cədvələ yaxınlaşıb birtəhər anlamağa çalışaraq dərsin hansı otaqda keçirildiyini sonunda tapmışdım. keçdim otağa, 1-2 dəqiqə gecikmişdim, otaqda 10-15 nəfər ancaq olardı. anlamadım vəziyyət nədir, keçdim bir yerdə oturdum. hərhalda ilk dərs günü mühazirə, seminar da bilmirdim nədir. nəysə, müəllim dərs haqqında danışdı 5 dəqiqəyə yaxın müddətdə. axırda soruşur ki, kiminsə sualı var? əlimi qaldırdım, dedi buyurun. dedim, müəllim, siz niyə ingiliscə danışırsız? dərsi ingiliscə izah edirdi. qayıdasan ki, necə yəni, siz ingiliscə təhsil almırsız? dedim yox, sinifdə hamı gülüşdü, içi mən qarışıq. utanmadım yaranan vəziyyətdən, çünki həqiqətən gülməli vəziyyət idi, nəysə çıxdım otaqdan birisini çağırıb otağımın yerini soruşdum sonra da öz dərsimə getdim.