19. son dövrlər avtoritar siyasətlərini bir-birinə sinxronlaşdıran türkiyə və azərbaycan hökumətləri bu məsələdə də oxşar "minnət siyasəti" yürütdülər. istər mənfi, istərsə də müsbət xırda nüansları şişirtmək bunların genetikasına işləyib. məsələn, türkiyədəki rejim hər vəchlə zəlzələ bölgələrində çətinliyin olmadığını iddia etsə də, axtarış-xilasetmə işlərinin ləngliyi, qurbanların sayının artımı hökumətin 23 il əvvəlki zəlzələyə nəzərən çox aciz vəziyyətə düşdüyünü göstərir. əlbəttə ki, problemləri diqqətə çatdıran "terrorist" elan edilir.
azərbaycan hökuməti də eyni ampluadadır. və hər zamankı "bax, necə yaxşılıq edirəm, görürsünüz necə yaxşılıq edirəm, ay camaat, baxın, yaxşılıq edirəm" təbliğatını tam sürətdə davam etdirir. zəlzələdən istifadə edərək hakim ailənin, fondun, şirkətlərin, arada 5-6 baş məmurun pr kampaniyasını aparır. sanki türkiyədə ali təhsil alanlara qeyri-rəsmi qadağa başqaları tərəfindən qoyulub. bir neçə il öncə sanki başqaları televiziyada türk dilinə qadağanı tətbiq etmişdi. indi isə hamısı türkiyə dərdi çəkir. 30 mindən çox insanın həlak olduğu, 10 minlərlə insanın yaralandığı zəlzələ bir millətin iki diktatorunun siyasi alətinə çevrilib. tənqid edən isə terrorçudur, alçaqdır, bişərəfdir, binamusdur.

bu arada, bu gün ermənistandan gələn xilasedicilərin guya qızıl qarət etdiyinə dair məlumatı mən türkiyənin heç bir informasiya qurumunda görmədim. bunun özü də azərbaycanın biabırçı xəbər portallarının yaydığı dezinformasiyaya bənzəyir.