1. övladı "ata mənə təzə ayaqqabı al da" deyəndə, onu ala bilməyən atanın çəkdiyi iztirabdır.

övladı "mən kotlet kartoşqa isdiirəm" deyəndə, evdə ərzaq tapıb onu bişirə bilməyən ananın çəkdiyi iztirabdır.

həyatının hələ yeni başladığı, ömrünün hələ yeni çiçəkləndiyi vaxtında evin böyük oğlunun min bir oğraşlığa sinə gərərək işləyib evə kömək etməsi, özündən balaca bacısının və qardaşının bu günləri görməməsi üçün təhsil almalarına şərait yaratmasıdır.

kasıbçılıq çətindir. amma bu çətinliklə elə insana ailənin və ailəyə olan sevginin dəyərini daha dərindən öyrədir. xoşbəxt olmağı öyrədir. insana xoşbəxtliyin dünya malında yox, sevdiklərinin yanında olmasında olduğunu öyrədir.

kasıbçılıq fədakarlıqdır. insan fədakardır. öz övladına, özündən balaca qardaşına və bacısına qarşı fədakardır.