118. Hekayə

Danışım müxtəsər qısa bir hekayəmi,
Bir gecə cananı fikirləşib yad elədim.

Silinməyib hafizədə o ötən xatirələr,
Həsrəti-eşq hissi ilə naleyi-fəryad elədim.

Hansı ki bacarmırdı, anlamırdı sevgi nədir,
O yarı yetişdirib sevgidə ustad elədim

Necə sevdimsə, heyrətə gəldi külli-bəşər,
Məşhur olub, hətta tanınıb ad elədim.

Güldü üzüm, sən çox yaşa canım gözüm,
Zənn elədim ki, sevgimi abad elədim.

Bir telinə, canımı qurban etdiyim pəri,
Nankor, vəfasız imiş biləndə imdad elədim.

Yemədim, içmədim oldum bir yaşayan ölü
Sonda o yarı özümə, qatil, cəllad elədim.

Cənab(no_name_0505)