1. +**qala bileydim** (Z)

Sen olan tərəfə açıb yelkəni,
Lövbəri sahilə sala bileydim.
Kaş ayırmazdı ləpələr məni,
Həmişə o sahildə qala bileydim.

Məhəbbət bir yükdü, ölçməz tərəzi,
Dəryadı məhəbbət çoxdu qərəzi.
Olsaydı əllərim üzgəc əvəzi,
Dahada dərinə dala bileydim.

Salanda gözlərim sənə nəzəri,
Göründü gözündə qəm, kədər yeri.
Qüdrətim çatsaydı qəmi kədəri,
Ala gözlərindən ala bileydim.

Qaradır qaşların gecədən qara,
Qəlbimə məlhəmsən, bəlkə də yara,
Yazanda şeiri daldım xəyala,
Yarın xəyalında qala bileydim.
Dərya tək gözünə dala bileydim..

Kaş bir ömür qalsan mənimlə,
Dərdimi böləydim, məndə səninlə.
Ayrılıq üzərində şeirlərimlə
Ölsəm də qələbə çala bileydim,
Sənin yaddaşında qala bileydim.