67. Müasir dövrdə söz deyilərək ifadə ediləndə şəxsə aid edilərkən, yazılaraq ifadə ediləndə şəxsə aid edilməməsi faktı və buna bir çox insanın fikir verməməsi.

Deməyə çalışdığım şey əslində fərqində olmadan bir çox insanın kitablara qeyd-şərtsiz instinktiv dəyər qatıb orda yazılan hər fikri yüksək dərəcəli hesab etməsidir. Yəni indiki best-seller yazarlar absurd bir informasiyanı söz külliyatı ilə bəzəyib əsaslı fikir kimi təqdim eləsə bir çox insan bunu analiz etmədən və ön yarğını işə salmadan qəbul edəcək ki, bir çox insan onsuz edir..Kitab buna görə ən az mainstream media qədər təhlükəlidir məncə çünki kitabın şəxsiyyəti yoxdur və ordakı fikri oxuyanda müəllifin adını oxusanız belə onu tanımırsınız. Nəticədə siz şəxslə təkbətək yox, fikirlə təkbətək qalırsınız. Və bu fikrdə biraz reallıq payı, biraz göz oxşayan söz seçimi olsa, klassik ədəbiyyat və ondan əvvəlki dövr yaradıcılığının yaratdığı güvənin ön yarğısı kölgəsində bu fikri avtomatik qəbul edərsiniz.

Heç fikrinizi qarşı tərəfə mesaj yazarkən daha asan ifadə elədiyinizi hiss etmisiz? Realda söz tapmazkən fikrinizi uzun mətnlərdə yazmaq asan gəlir? Əgər bunlar sizə yad deyilsə onda təkrar edirəm. Mətnin şəxsiyyəti yoxdur.

Hərçənd anlıq mesajlaşma təbii ki, klassik əsəbiyyatdan fərqlidir. Siz anlıq mesajlaşmada klassik ədəbiyyatın yaratdığı o güvəni yaratmamısız. Ancaq klassik ədəbiyyat əsrlərdir əsas (bəsit) moral dəyərləri ifadə edərək, insanların əslində bildiyi və hiss etdiyi halda ifadə etməyə söz tapmadığı faktlarla güvən qazanıb deyə artıq siz klassik ədəbiyyat yazarını açıb oxuyanda o yazarı tanıdığınız üçün yox, onu oxuyan digər milyonlar ordakı fikrə dəyər verib klassikaya çevirib deyə güvənirsiniz. Və bu güvən formalaşaraq, indiki dövrdə kitab formasına bürünüb. Buna görə də bir kitab görəndə, o "filter" artıq kənara atılır.

Qorxulu olan odur ki, bir fikir bariz şəkildə absurd olmadıqca, biraz söz bacarığı olan hərkəs söz külliyatı "kolluğunda" gizlənə bilir. Ancaq fakt budur ki, klassik ədəbiyyat insanlar düşünmədi deyə yox, əksinə onlar analiz elədi və hərşeyi sorğuladı və ön yarğını sui-istifadə etmədi deyə klassikaya çevirə bildi.

Qısaca oxuduğunuz hərşeyə mənbəsinə güvənsəniz belə yarğılamadan yanaşmayın. Bu yazıya belə.