Tarrarenin əsas problemi həddindən artıq yemək deyildi, onun problemi doymamaq idi. O həddə çatıb ki, xəstələrdən alınan qanı içib, morqda ölüləri tikə-tikə doğrayıb yeyib. Hətta diri pişik və itlərin sümüklərini nümayiş üçün qalana qədər yemişdi.
Dəqiq bilinməsə də, 1792-ci ildə Fransada doğulduğu düşünülən Tarrarenin başqa bir ad və soyadının olub olmadığı da bilinmir. Bütün qeydlər ona yalnız Tarrare kimi istinad edir. Bir adamın belə doymasının son dərəcə çətin olduğu vaxtlarda bu gəncin ən azı dörd nəfərlik yemək yeməsi ailəsini bezdirmişdi və sonda evdən qovulmuşdu. Tarrare o vaxtkı məşhur şoulardan birində şoumen kimi iştirak etməyə başladı. Nümayişi sadə idi; Hər şeyi yeyən adam. O, həqiqətən hər şeyi yeyə bilərdi. O, çənəsini o qədər geniş aça bilirdi ki, bir səbət dolusu alma rahat sığardı. lakin, şouda yediyi şeylər getdikcə daha iyrənc olmağa başladı.
Tarrarenin şosunun hədəf auditoriyası daha çox küçə fahişələri, sərxoşlar və avaralar olub. Bu o qədər də sadəlövh olmayan tamaşaçının diqqətini cəlb etmək üçün müxtəlif fəndlər lazım idi. Tamaşaçılardan birinin dediyinə görə, Tarrare bir dəfə yoldan keçən pişiyin ağzını açıb, bağırsaqlarını çıxarıb, qanını sorub və bütün sümükləri qalana qədər yeyib.
Deyilənə görə, başqa bir gün o, eyni nümayişi daha böyük bir it üzərində göstərib. Başqa bir tamaşada o, nəhəng bir ilanbalığını öldürməkdən belə çəkinmədən diri-diri uddu. Sonrakı illərdə Tarrareni müayinə edən həkimin qeydlərinə görə, sanki bütün heyvanlar onu görəndə başlarına nə gələcəyini hiss etdikləri üçün qaçırdılar.
1798-ci ildə Tarrarenin xəstəxanada ölmək üzrə olduğunun xəbərini alan Baron Percy bu qeyri-adi hadisənin ölümünü müşahidə etməyə getdi. Qısa müddət sonra dünyasını dəyişən Tarrarenin ölüm səbəbi vərəm olub.
