13. Yin Yang simvolu Uzaq Şərqdə, xüsusən də Çində əksliklərin tarazlığını ifadə edən bir simvoldur. Yin Yang simvolu hərfi mənada iki yarının bir bütöv tamamladığını bildirir. Bu iki yarımdan Yin qaranlığı/ kölgəni, Yang isə işığı/günəşi təmsil edir. Eyni zamanda, Yin və Yang, yaxşı və pis, gənc və qoca, zəngin və kasıb kimi ziddiyyətləri təmsil edən bir simvol olaraq da qəbul edilir.
Əslində, Yin Yang həyatda hər gün qarşılaşdığımız əkslikləri də təmsil edir. Bunun ən böyük nümunəsi isə gecə ilə gündüzdür. Yin və Yang kimi, bu bütövlüklər bölündükdə tarazlıq pozulur. Bütövlük pozulduqda hər iki yarım bir-birini izləyərək yeni tarazlıq yaratmağa çalışır. Buna görə də Yin Yang hər iki əksin digəri olmadan mənasız olduğunu ifadə edir.
Yin Yang simvolu tez-tez rast gəlinən simvollardan olub, “s” hərfinin tərsinə bənzəyən yin yang simvolu, tai chi kimi də tanınır. əksliklərdən ibarət olan bütövü təmsil edən simvolun bir tərəfi ağ, digər tərəfi isə qara rəng olmaqla yanaşı bu yarımların ortasında ziddiyyətli rənglərdə nöqtələr var. Bu məqamlar hər iki əksin mahiyyətində isə digərinin ünsürünün olduğunu göstərir.