274. Əslində beynimin içində eyni anda bir neçə fikir fırlanır bu gecə. Sıra-sıra yazacam aq. Bəzilərini fikirləşib gülürəm bəziləri qruza salır.

1) əgər bir insan cinsiyyətini dəyişsə ona trans deyirik. O insan yenə əməliyyat olunub əvvəlki cinsiyyətinə qayıtsa adı olur former-trans * ex-trans * oyble ex-transens . indi bunu necə edib çevirib transformer eləmək olar? Beynimdə buna aid riyaziyyat qurmağa çalışıram aq amma riyaziyyatım zəifdi. Former-trans= - transformer olsa, hansı halda bu ikisi bir-birinə bərabər olar? Blə bu nə gijdıllağskoy sualdı beynim yandı. Nə isə.

2) uşaq vaxtı 4-5 yaşım olanda Emin adında dostum var idi. Eyni zamanda uzaq qohumumuz idi ana tərəfdən* ananın dayısının baldızı oğlu . Məndən 5 yaş böyük idi və yaşıma yaxın olan tək-tük qohumlardan idi deyə (və mənlə oyun oynamaq istəyən tək uşaq) tez-tez bir-birimizə qonaq gedirdik ailəlikcə. Ümumiyyətlə vəhşi kimi uşaq idim deyə * dinmirdim çox amma vəhşi kimi davranırdım mənlə baş edə bilən bir dənə bu var idi. Görünüşümüz də oxşar idi. Ailədə hamı ağappaq olduğu halda iki qarabuğdayı biz olduğumuz üçün həmişə bizi shipləyirdilər böyüklər. Bir yerdə çox oğraşlığımız olub aq. Atasından pul oğurlamaq (bəzən 5 bəzən 1 manat), səhvən sprite butulkalarına doldurulmuş araqdan içmək və sonra anladıqda başqa bir butulkanı da açıb içmək, yekə qazanda hazırlanmış ayrandan içmək üçün stəkandan istifadə etməyi unudub başımızı içinə soxmaq (aşırtmışdıq qazanı və aradan çıxmışdıq xd), fəhlələrdən siqaret oğurlamaq və s. Kimi şeylər. Deyəsən elə məndən xoşu gəlirdi aq bilmirəm. Yenə də xətrini çox istədiyim birisi idi. Həmişə onunla oynamaq üçün can atırdım o istəməsə belə. Neçə dəfə başına oyun açmışdım oyun oynamadığı üçün * divara dayayıb burnunu yumruqla qanatmışdım yadımdadı hələ də . Böyüdükcə qohumlar arasında əlaqə də açıldığı üçün digər qohumlarımız kimi onun da üzünü görmürdüm illərdir. Nənəm 2020'də öləndə onun ailəsi yasa gəlməmişdi. Çox qohumumuzun Nömrələri zad yoxdur deyə dedik ki yəqin onların da xəbəri yoxdur bizdən. Əslində istəyərdim ki eminin üzünü illər sonra olsa da görüm. Maraqlı gəlirdi ki böyüyüb necə bir insan olub görən? Yenə yola gedərdik danışsaq? Elə həmin vaxt da başqa qohumumuz dedi ki Emin qarabağ müharibəsində şəhid olub həmin il. Hər şeydən çox bundan xəbərimizin olmamasına və yasında iştirak edə bilməməyə görə pis olmuşdum. Nəsə bir səhv anlaşılmışlığa görə bizə xəbər etməyib ailəsi deyilənə görə. indi bayaq kompüterdə köhnə uşaqlıq şəkillərimə baxanda elə Eminlə olan şəkillərimizi və videolarımızı gördüm ilk dəfə. Heç nə real hiss etdirmir ala. Elə bil hamısı uzun bir yuxu idi və mən həmişə bu yaşımda olmuşam. Heç vaxt uşaq olmamışam. Nəysə e uzun oldu bu nəsə. Emin yaşasa idi onu görmək istəyərdim.

3) havalar tam isinsə idi samovar çayı hazırlayardım aq. Havalar sabit olsun yenə samovar qalayıb o çayı içə-içə entry yazım.

4) köhnə qız dostum (o vaxtkı ən yaxın dostum) əlaqəmizi kəsdikdən 2 ay sonra mənə 5 dəfə nəsə yazıb amma mən yatırdım deyə oxuya bilmədən hamısını yenidən silib aq. Xiyar qızı xiyar elə fikirləşirdi ki fikrimi dəyişib ona nəsə yazacam bu qədər müddətə. indi də unudula bilmirəm deyə sevinirəm, sözlük. Mən gijdıllağ nədənsə romantikanı sevgililərim ilə yox qız dostlarım ilə yaşayıram aq. Nə işdi bilmirəm

Nəysə aq od çərşənbəniz mübarək. Görüm sabah tonqal qalayıram ya yox