15. Srağagün bir tanışa borc lazım idi, yox deyə bilmədim. Dediyinə görə pul dünən səhər məndə olmalı idi amma hələ bir xəbər yoxdur. Hələ gecikdirməsin deyə zarafata basıb dedim ki, hər gecikən gün üçün 1 manat faiz gələcək. Ən son variant olaraq bir reels videosu atmışam instagramda. O gündən başıma gözümə döyürəm ki, sənin nəyinə lazımdır borc vermək? Denən yoxdur, açılsın başından. Gəlib cibinə girib yoxlayacaq? Bilirəm də ki bu adam maşennikin biridir, dilə gəlib pulunu istəməsən verməz. Normalda ölüm qalım məsələsi olmasa heç kimə borc vermirəm, çünki bu yaşıma kimi heç kimdən borc almamışam. Adamlar tanıyıram ki, az qala küçədəki itə belə borcları var. O qədər adama borclu ola-ola nətər rahat yaşaya bilirlər? Çayxanaya getmək üçün gəlib borc istəyən olub a kişi. Xülasə, istər borc vermək olsun istər başqa şey, yox deməyi bacarmaq lazımdır. Bir şeyi eləyib pis olacağıma eləməyib pis olaram.