2. Azərbaycanlılardakı natamamlıq kompleksinin meyvəsi olan, cərəyan vurmuş hinduşkaya bənzər qardaşlarımızdır (bodyshaming deyil, özlərini bu hala salıblar). Amma bir şey də var ki, bunların əksəriyyəti uşaq və yeniyetmələrdir. Özlərini bu xalqa aid hesab etmirlər. Rusiyanın mafiyatik sistemini, xüsusilə dağıstan və digər qafqazlıları özlərinə nümunə götürürlər. Əslində bütün insanların "aid olma" ehtiyacı var. insanlar güclü bir ailəyə, tayfaya, etnosa, dövlətə aid olma ehtiyacı görürlər. "Azərbaycanlılar türk deyil bləəə", "qaqa bizim tariximiz yoxdu gələn-gedən qoyub bizə bləəə" deyiriksə bu bizim xalq olaraq natamamlıq kompleksimiz olduğunu göstərir. Mənsub olduğu qrupu yerin dibinə soxan insanların uşaqlarına nə olur? Uşaq da şüuraltı olaraq mənsub olduğu qrupu zəif görür və özünü güclüyə yamamağa çalışır. Yəni qaqa dediyimiz qrupu yaradan da bizik, tənqid edən də. Azərbaycanda sırf bu natamamlıq kompleksinə görə insanlar qruplara bölünüb və daha da qorxuncu bunların hamısının da bir-birindən zəhləsi gedir. iranpərəstlər, ruspərəstlər, qaqalar və daha çoxu. Yəni bu natamamlıq kompleksini aradan götürə bilsək bu tip əcaib qruplaşmalar da yox olacaq. Nə qədər sevməsək də pisi ilə yaxşısı ilə olduğu kimi özümüzü qəbul etməliyik. Biz də bütün dünya xalqları kimi əzən də olmuşuq, əzilən də. Yəni başqa heç bir xalqdan üstün deyilik, başqa heç bir xalq da bizdən üstün ola bilməz.