Anam yarı bizi, yarı özünü tələmtələsik hazırlayar, maşında üstə üstə bütün nəsillikcə qohum toyuna gedərdik. Arxa arxaya maşınlar.. Gecikirik gecikirik dediyimiz yerə görə gecikmək dostlarımızın bizdən tez gəlişi olardı. Maşından düşən kimi gələn 07 lər içindən qaçıb uzun donumun ətəyini qaldıra qaldıra gözüm o qədər adamın içindən bizim kruqu gəzərdi. 4-5 nəfər olan bu kruqda böyük kiçik ayırmadan hamımız bir idik. Bəzən əmilər bizə "sizə 1 manat verəcəm" deyib (vermədi) günorta vaxtından qalma salfetləri yığdırsa da bu bizim üçün əyləncəydi. Üst-üstə yığdığımız plastmas stullardan hansımızınki yüksəkdir deyə yarışarkən Fəridin bir az da artistlik edib üzü üstə aşıb "Mamaaaağh" deyib aş dəmləyənlərə tərəf qaçması da hələ xatirimdədir. O aş dəmlənən, aş qarası edilən yer də tamam "kənd news"..
"Həə, deyirlər Camalın qızı da evlənib" , "sizin gedə də yekələnib yoxdu qız mız?" " aa yox bizimki rassiyada işliyir inan mən tapmasam heç kimi alası deyil"
Bir də mallar olardı restoranda şaftalı sokunu basan uşaqlar palatka toyunda
həmişə o kaset kaset yığılan yerdə barmaqları ilə plastiki cırıb fanta, düşes götürərdilər dkdkld
az əvvəl alçaq dik dabanlarımızla o taxta platformanın üstündə böyük adamların ayaqlarının altında əzilmədən, saçını topuz yığmış o xala bizi qovandan sonra Palatkanın o ağ parçasını qaldırıb bir anda toy abı havasından çıxıb gəlin evinə qaçdığımız günlərə qayıtmaq istərdim.
Yadımdadır özü də bizim masallı toylarının olmazsa olmazı bu mahnı
(youtube: 
)
)Əllərimi qıvıra qıvıra oynadığım bu mahnıda parıldayan gözlər birdən qapanardı, yuxulayardım, iki stulu birləşdirib dayanmadan davam edən o toy mahnıları sədası altında yatardım. ildırım çaxması bu sentyabr toyunda məni qorxutsa da gələnlər oynamaqdan dayanmırdı belə. Yaşını almış xalalar sakitcə izləyər. Gəlinlər gəlin evinə qalxıb dizlərində uşaq yatızdırar. Mənimkimilər isə üstünə ədyal bükülüb atasının qollarında maşına uzadılardı