idi. "pros" olaraq yazılan hər şey nöqtəsinə qədər düzdü, qızlar, evdə özünüz özünüzə*
çünki yayılım və qalıcılıq çox azdı
xoş qoxmaq istəyirsinizsə, bunu istifadə edin. Temboli də çox ucuzdu. Keçək kişi parfümlərinə.
---4 fəsil imza parfümü olaraq işlətməlik:
1) Nishane x ani - Sadə "ani" yox, üstündə "x" olan ani. Mən hələ bu yaşıma qədər bunun kimi bütün fəsillərə gedəcək ideal bir ətir qoxlamamışam. Fresh açılış, çiçəksilik, ardınca da odunsu vanil. Hər şeyin qızıl ortasıdır bu parfüm Sözlə izah edə bilmirəm. Kasıblığın üzü qara olsun, full şüşə ala bilməyəcəm bu ərəfələr.
Qeyd: yayın o ən cırhacır istisinə uyğun olmaya bilər.
2) blue de chanel edp - yes, adı çox eşidilir, çox məşhurdur, ancaq niyəsə çox adamda yoxdur sanki. Yaxın dostum imza kimi işlədir, yoxsa sintetikliyinə bir çarə tapıb özüm də vurardım bəlkə.
Qalanlarını hazırki fəsilə və sezona uyğun olaraq payız/qış və yazın soyuq havaları üçün olanlardan seçib yazacam.
--- Date üçün:
1) YSL La Nuit de L'Homme edt - dünyanın 1 nömrəli qoxusudur, məncə. Az qala hər qoxunun klonu, yağı olduğu dünyada sözün əsl mənasında bənzəri olmayan bir qoxudur. qalıcılıq və yayılım bərbaddır* deyilənə görə ən son batch'lərdə düzəldiblər, məndəki 2023 sonu olandır və zəifdir . Odur ki, çöldə 20-30 dəfə təzələməli olacaqsız. Dekant gəzdirin üstünüzdə. amma yayılım az olduğundan fiziki olaraq çox yaxın olduğunuz yerlər, əsas da home-date üçün mükəmməldir. Onu da deyim ki, xarakter yetkinliyi, ciddilik istəyən ətirdi, nə 15-22 yaşlı qanı qaynayan qaqaşın özünü ciddi göstərmək üçün vuracağı, nə də o yaş qızların bəyənəcəyi tipdən deyil. Hər şey uyğun olsa belə, eləcə əylənib deyib-güldüyün qızla/flörtlə görüşdə vurulacaq ətir deyil. Cardamom və lavantanın ən "sofistik" * eleqant yox, məhz sofistik qarışımıdır. Rəsmi saytda dediyi kimi: "Bright, masculine freshness combines with sophistication and nonchalance to create a fresh, yet deep and mysterious scent".
2) JPG Le Male Le Parfum (qara olan) - Yayılımı la nuit'dən daha yaxşıdır, amma çox da güclü deyil; ancaq zatən date parfümü olaraq əsas odur qarşınızdakı(yanınızdakı) qıza çatsın(ki, çatır da). Görüşdüyünüz qız qoxusunu >95% ehtimalla bəyənəcək. Hələ eşitməmişəm ki, kimsə "xoşum gəlmədi" desin, bəyənməsin. Hər yaşa uyğundu. qaranlıq(dark) temalı, eyni zamanda şirin qoxudur, iris və vanil notları bariz şəkildə bilinir. Dayım oğlu günlük istifadə edirdi, amma məncə, date'lik parfümdü. Ona görə bura yazdım.
3) initio rehab - deyəcəklərim çox radikal olacaq, lakin bu qoxunu bəyənməyəcək olan qızdan gələcək vəd edən ciddi münasibət olmaz, məndən demək. Görüşəndə gedin girin port baku-dakı emporium mağazasına. biləyinə vurun, Agalar, əgər o qız bu ətri bəyənməsə, bilin ki içinizə hüzur gətirəcək, sevgi dolu cıvıl-cıvıl qız o deyil. Radikal fikrimə görə femkalar linç edə bilər, amma o dərəcədə əminliklə deyirəm. Bu ətrin xoş təsir etməyəcəyi, ya da bundan qıcıqlanacaq insan qəlbinin necə qaranlıq olacağını təsəvvür edə bilmirəm mən. Ən azı bircə dəfə qoxusuna baxın, haqq verəcəksiz. Sözün əsl mənasında reabilitasiya, güvən, rahatlıq, dinclik yaradır. Elə bil dünyanın problemini, dərd-sərini götürüblər üstündən. "safe zone" hissi verir. Date kateqoriyasına aid elədim, çünki O ki sevdiyin insanı görəndə istər-istəməz üzün gülür, için əriyir, möhkəm-möhkəm qucaqlayıb heç buraxmaq istəməyəcək, dünyanın bir köşəsində əl üstündə tutaraq iki nəfərlik bir həyat qurmaq istəyəcək qədər sevirsən e, bax həmin təsiri yaradır. Baş-başa qaldığınız "pure" duyğulu, içindəki saf sevginin aşıb-daşdığı anlar üçün mükəmməldir. Hətta mental olaraq çətin dönəmdən keçərkən adicə qoxlamaq belə terapiya effekti verə bilər, insana həyat enerjisi verir. Mən bərbad ruh halındaykən ilk dəfə qoxlayanda mağazanın ortasında "uy bləəə" deyib sonrasında təəccübdən 2-3 saat özümə gələ bilməmişdim ki, belə bir ətir necə mümkün ola bilər.
4) Dolce Gabana The One edp - eləcə qapağını qaldırıb ilk qoxlayanda (yəqin ki cardamom notundan dolayı) la nuit'i xatırlatmışdı, amma daha sirtus, qismən daha şirin ətirdir. Yayılım və qalıcılığı çoxdur.
5) Dior Homme Intense - özüm qoxlamamışam, ancaq sıralamalarda la nuit'in altına qoyurlar həmişə. Qarşınıza çıxsa, yoxlayıb baxarsınız.
--- Məclis, yığıncaq, date, özəl günlər, iş, günlük - ümumən soyuq zamanlarda hər yerdə vurmaq, imza parfümü etmək üçün:
Parfums de Marly Althair - qoxladığım gündən bu yana aşiq olmuşam bu ətirə. Vanil, karamel* Praline notu karamel effekti verir bu ətirdə , darçının inanılmaz bir eleqantlıqla harmanlanmış halıdır. Ən az initio Rehab qədər çox sevirəm və içimə dinclik gətirir. Fragrantica 2024 səsverməsində boşu-boşuna ilin ən yaxşı kişi ətiri seçilməyib. -* o qədər sevirəm ki, qıyıb hər gün vurmuram birdən çox qoxlayaram, öyrəşərəm, adiləşər, dəyərdən düşər. Çox soyuq və külək vaxtı açıq havada zəif qala bilər, ancaq qapalı məkanlar üçün mükəmməldir. Paltarlarda qalıcılığı dəhşət çoxdur.
Günlük:
1) Dior Sauvage Elixir - Normal Sauvage'la qarışdırmayın, tam fərqlidir qoxuları. Açılışdakı qreyfrut notu adamı çox enerjik hiss etdirir. Mən "spicy" qoxuları çox bəyənməsəm də, bunu bəyənmişdim.
2) JPG Le Male Elixir (qızılı olan) - vanil əsaslı şirin ətirdi. Açılışda çox fresh bir nanə qoxusu gəlir. Ardınca da lavanta və bal notları özün göstərir. boğucu deyil, ancaq qapalı ortamlarda bir az az vurun.
3) Parfums de Marly Layton - qoxusu ilə love/hate əlaqəm var. Bəzən çox "spicy" gəlir deyə zəhlə tökür, bəzən də sportiv, ya da işinin əhli hiss etdirir deyə vurmaq istəyirəm. Qarışıqdı.
4) Carolina herrera nightfall patchouli - bahadı və rəsmi şəkildə sadəcə sabina-da satırlar. Tam anlamıyla insana "Mysterious" bir havası verir. Qiyməti o qədər olmasaydı, ya da daha kiçik ölçüdə satılsaydı, yəqin ki, qışlıq olaraq bunu imza parfümü edərdim.
5) Tiziana Terenzi Delox - sözün əsl mənasında kofe (amerikano ilə cappucino qarışığı) parfümü. Kofeşop qoxusunun ən ideal halıdır, dəhşət xoş əhval, sakit mood gətirir. Elə bil axşam favorit məkanında oturub sakitcə kofe içirsən. Adın çəkdiklərim arasında yeganə unisex qoxu budur. Məncə, ən gözəl kofe ətiri də budur. Montale intense cafe'dən daha yaxşıdır məncə. Ancaq intense cafe'nin yayılım və qalıcılığı bir az daha üstündür.
qeyd: "günlük" olaraq önərdiklərimin hamısının qalıcılıq və yayılımı ortalamanın üstündədir. Sauvage Elixir və Layton'u iş/ofis üçün də istifadə etmək olar. Maskulin, diktəedici havaları var və açılış notları sayəsində səhər vurub evdən çıxanda enerji pompalayırlar sanki.
---Axşamları dost-tanışla sosial mühitdə "takılanda", ya ümumən ortamlarda vurulmalıq:
1) Afnan 9PM - JPG Ultra Male klonudur. amma ondan çox daha yaxşıdır və də çox ucuzdur. Gözü-qaşı oynaq qaqaşın parti/ortam ətridi deyirlər, amma o dərəcədə də deyil. Adı üstündə, hər axşam hava qaralanda vura bilərsən. Çox cüzi çiçəksilik var, ancaq ümumən şirin qoxudur və orbit'in "bubblegum" saqqızı kimi qoxur. Lakin çox zordu. Yayılım və qalıcılıq çox yüksəkdi. Bir ara günlük istifadə edirdim, indilərdə qalıbdı qıraqda. Rəsmi, klassik, pol-klassik geyimlərlə qətiyyən vurmayın.
2) Jpg le male elixir - yes. Günlükdən ziyadə, ortamlara da gedəcək qoxudur.
Özüm bəyənməsəm də n qədər qızın çox bəyəndiyi 2 ətir var, bəlkə kiminsə işinə yarayar:
1) ysl myself - çox çiçəksidi və feminen havası var. Konkret olaraq qızların gülərüz, sevimli, zərərsiz oğlan dostu ətridi sanki. :d ya da ki mənim dostum elə adamdı deyə bu cür identifikasiya olunub beynimdə. Ancaq ətrafındakı bütün qızlar çox bəyənir.
2) ysl y edp - qoxusu yadımda qalmayıb, amma bəyənməmişdim, sintetik idi. O qədər təriflənəcək ətir deyil.
Qeyd: əksəriyyəti baha olan designer və əsas olaraq da niche markalardan önərdiyimin fərqindəyəm. Amma "dior Sauvage", "Versace Eros", "black afgano", "armani stronger with you", "creed aventus" , "molecule no bilməm neçə" və s kimi fəhlə, bazar satıcısı, tində duran çumo gədə-güdələrdən tutmuş 7-dən 77-ə hamının original olmasa belə çakma yağını qramla alıb vurduğu, hamının bildiyi və burnunun tanıdığı, kiməsə qoxladanda "çox tanış gəlir" dediyi ətirləri vurmaqdansa, heç ətir vurmamaq yaxşıdı. Vurursansa, bu zibil gərək sənə aid olsun və az bilinən olsun. Çox bilinsə də, ilk səndən bilinmiş olsun. Bütöv şüşə almasaz belə yuxarıdakı çoxunun olmasa da bəzilərinin 80-90% bənzər, yaxşı ərəb klonlarını, ya da ən yaxşısı 10-20-30ml dekant formasını alın* amma qəti şəkildə mia parfüm'dən almayın . yoxsa dostu, ya dostunun dostu, ya da hər dəfə avtobus/qatardakı random qaqaş kimi və ya danışdığı qızın ex'i, köhnə flörtü kimi qoxmaq istəyən varsa, buyursun getsin az öncə adın çəkdiyim ətirlərdən alsın. Jpg-dən önərdiklərim də artıq yavaş-yavaş yayılmağa başlayır, fərqindəyəm. ona görə də siz çox yayılmadan vurun ki, gələcəkdə kimsə qoxlayanda siz yada düşəsiz.
Aralarındakı top 5 favoritlərimi desəm:
1) YSL La Nuit de L'Homme * amma son 2-3 həftədir könlüm "le male le parfum"ə tərəf dönür sanki
2) Parfums de Marly Althair
3) initio rehab
4) Afnan 9PM
5) Sauvage Elixir