34. Bu gün nədənsə yata bilmirəm. Canımı sıxan bir şeylər var və bu yazdıqlarımı kimsə oxumasa belə ən azından rahatlamaq üçün çox əla vasitə olacaq mənim üçün. Və yazdıqlarıma ən uyğun entry başlığı da elə budur.
Həyat elə bir gedişatdır ki, onun sərhədləri daxilində baş verənlər fikrimcə bizim varoluşumuzun bir yansımasıdır. Çünki hərtərəfli hər şeyi nəzərə aldığımızda insan duyğuları bəsit təməllər üzərinə quruludur. Və hamısı da bizim var ola bilməyimiz üçün mükəmməlləşmişlər. Yaşamaq üçün yeməliyik, içməliyik, nəfəs almalıyıq, danışmalıyıq, sağlamlığımıza diqqət etməliyik. Lakin bütün bu sadaladıqlarım bir növ insan instinktinə bənzəyir, yəni demək istədiyim heyvanların da sadaladıqlarımın hamısı olmasa da, təməl ehtiyacları üçün yaşamını sürdürmək kimi bir qayəsi vardır. Lakin bizdə bütün dəyərləri alt-üst edən, mücərrəd bir şəkildə bütün idarəetməmizi ələ alan duyğularımız vardır, hansı ki, bu da şüurumuzun var olmasından qaynaqlanır. Hisslərimiz, duyğularımız bizə təsir edən və ətrafımızda olan insanların bizdə yaratdığı pis və ya yaxşı travmalar əsasında formalaşır. Yəni bir insan digər insanın canını alırsa bunu heyvanlarda olduğu kimi instinktlə deyil, keçirdiyi travmalara görə edir və bu travmalar onun hisslərini mənəviyyatsızlaşdırır. Və yaxud bir insan əgər yaxşı əməllərin sahibidirsə bu onu yetişdirən ətrafın müəyyən hissəsinin mənəviyyatlı duyğulara sahib olması nəticəsində olur.
Hisslər bəzən idarəetməni o qədər ələ ala bilər ki, siz yaşamınızı sürdürmək üçün digər heyvani instiktlərdən istifadə etməni dayandırarsız və beləcə yox olub gedərsiz bu həyatdan. Məhz bunun olmaması üçün istədiyimizi edə bilmə (istədiyimizi etmək dedikdə mənəviyyatsız hisslərin bizə etdirdiklərini nəzərdə tutmuram) bacarığını təkmilləşdirməliyik, yəni kimisə xoşbəxt etmə naminə daxili azadlığımızı qurban verməməliyik.
P.s. Bu gün üçün etmək istədiyim bir çox şey var və əgər bunu həll edə bilsəm artıq tamamilə daxilən azad bir insan ola biləcəm və sizə də bunu tövsiyyə etmək istəyirəm. Lütfən, beyninizdə heç bir sual işarəsi buraxmıyın, qısacası istədiyinizi edin.