58. Bir gün Molla Nəsrəddin arvadı uşağı ilə şəhərə düşür. Uşağı eşşəyin belinə mindirib arvadı ilə özü piyada gedir. Yolda görür biri ağzının altından mırıldayır. “Uşağa bax, böyüklər qala-qala özü minib eşşəyə” .
Bunu eşidib, Nəsrəddin hoca uşağı düşürdür, arvadı mindirir eşşəyə. Biraz qabaqda iki yoldan keçən arvadlar xısın xısın gülürlər “ Buna bax, arvadı mindirib çiyninə, qudurdur” .
Molla əsəbləşib bu dəfə arvadı da düşürdüb özü eşşəyə minir.
Şəhərin girəcəyində kişi qırıqları bunu görüb, “Buna bax, arvad uşaq piyada gedir, özü eşşəkdə” deyə söz atırlar.
Molla təngə gəlir özü də düşür eşşəkdən.
Bu dəfə bütün şəhər başlayır gülməyə, “Bu ağılsızlara bax, eşşəyin beli boşdu, birinin ağlı kəsmir eşşəyin belində gedə”