28. Bəşər Hafiz əl-Əsəd 1965-ci ildə Suriya paytaxtı Dəməşqdə anadan olub. O, uzun müddət ölkəni idarə etmiş prezident Hafiz Əsədin oğludur. Əsl peşəsi həkim olan Bəşər Əsəd Londonda oftalmologiya üzrə ixtisaslaşıb. Lakin böyük qardaşının avtomobil qəzasında ölməsindən sonra siyasi varis kimi ön plana çıxmıb.

2000-ci ildə atasının vəfatından sonra keçirilən seçkilərlə Suriya prezidenti olur. Onun hakimiyyəti dövründə Suriya daxildə və xaricdə ciddi siyasi proseslər yaşamışdır. 2011-ci ildən başlayan “Ərəb baharı” dalğası Suriyada vətəndaş müharibəsinə çevrilmiş və bu günə qədər davam edən dərin böhrana səbəb olmuşdur.

Bəşər Əsədin hakimiyyəti avtoritar idarəçilik üsulu, müxalifətə qarşı sərt münasibəti və beynəlxalq aləmdə müxtəlif ölkələrlə ziddiyyətli münasibətləri ilə tanınır. O, əsasən Rusiya və iranın dəstəyi ilə mövqeyini qoruyub saxlamış, Qərb ölkələrinin isə tənqid və sanksiyaları ilə üzləşmişdir.

Bu gün Bəşər Əsəd hələ də Suriya dövlət başçısıdır və onun adı Yaxın Şərqdəki ən çox müzakirə olunan siyasi fiqurlardan biri kimi qalır.