Onun seçimi təsadüfi deyil. Çoxları klassikləri sadəcə “hamının tanıdığı” qismində xatırlayır, amma Xumar xanım Molla Pənah Vaqif kimi həm dərin, həm də bu günün qulağı üçün hələ də “underrated” olan bir şairə müraciət edir. Vaqifin poeziyasında sevgi sadəcə lirika deyil, yanmaq və yanmamaq dilemmasıdır. “Ayrıldıq” şeiri isə əsrlərin o tayından bu günə qədər gəlib çıxan o saf, yanğılı hissin tərcüməsidir.
Xumar Qədimova bu misraları götürüb musiqi ilə bəzəyəndə, bir növ ədəbiyyatı gündəlik qulağa qaytarır. Belə addımlar sənəti yüksəldir, çünki sənət yalnız bu günü deyil, həm də dünəni daşıyanda həqiqi dəyərə çevrilir.
Bunu etmək üçün səsdən çox, zövq, intellekt və cəsarət lazımdır. Çünki ucuz sevgi sözləri ilə də hit mahnı yazmaq olar. Amma əsrlərdir yaşayan bir şairin sözlərini seçmək — həm özünə inam, həm də xalqa hörmət göstəricisidir.
“Ayrıldıq” təkcə bir mahnı deyil, həm də sübutdur: müasir müğənni ədəbiyyata söykənəndə, o artıq müğənnidən çox, mədəniyyətin daşıyıcısına çevrilir. Xumar Qədimovanın elitliyi də məhz buradadır.
Xumar Qədimova - Ayrıldıq
(youtube: 
)
)
şərhlər: