8. Siyasət çox vaxt yorucu, mürəkkəb və hətta çirkli görünə bilər. Buna görə də bir çox insan özünü kənarda tutmağı, tərəfsiz qalmağı üstün tutur. Ancaq bir nizamın içində iştirak edərkən ondan asılı olmamaq mümkündürmü? Məsələn, iqtisadi böhran yaşandıqda yalnız siyasətlə maraqlananlar təsirlənirmi? inflyasiya yüksəldikdə yalnız səs verənlərin alıcılıq qabiliyyəti azalırmı? Əlbəttə ki, xeyr. Qərar qəbul edən mexanizmlərdən uzaq durmaq, nəticələrindən kənarda qalmaq demək deyil.

Bu insanlar “mən siyasətə qarışmıram” dedikdə, əslində ölkənin gələcəyi barədə söz haqqını başqalarına buraxmış oldular.

Görünür ki, siyasətdən uzaq durmaq siyasətin sənə toxunmasının qarşısını almır. Qərarlar qəbul edilərkən kənarda qalmaq, o qərarların hədəfi olmaqdan səni qurtarmır. Bəs o zaman, sənin bir şey deməyin, bir şey düşünməyin pis halları düzəltməyə, ağlayanları güldürməyə, birlik və həmrəyliyi gücləndirməyə kömək edəcəksə, niyə tərəfsiz qalırsan? Əgər bu dünyada daha yaxşı bir şey etmək üçün bir fürsətin varsa, niyə səssiz qalmağı seçirsən? “Təkbaşına nəyi dəyişdirə bilərəm” demə, tək deyilsən.