58. ilk öncə bunu deyim ki, özümün çirkin olduğunu düşünmürəm(ən azından gülməyəndə). lakin yaraşıqlıyammı? deməzdim. ümumiyyətlə biraz qəribə bir hissdir. bəzən güzgüyə baxanda deyirəm ki, yox ala mənim də özümə görə bir yaraşığım var, bəzən də deyirəm ala goblin zadsan bu nə sifət, üz quruluşudu belə? yenə ciddi dayananda hardasa biraz normal görsənirəm. dəfələrlə güzgü qabağında gülməyi məşq eləmişəm prosto faydası yoxdu. güləndə əqli problemi olan şəxslərə oxşuyuram. ona görə də elə adam içində gülməməyə çalışıram. şəkilləri falan demirəm heç. öz şəklim demək olar ki, yoxdur. qrup şəklində olan bir neçə dənəsi var orda da öz başımı silmişəm şəkildən. özümü aldadıram ki, ala görürsən, bu şəkildə də yaxşı düşməmişəm. denən kimi aldadırsan? sanki bilmirsən problem şəkildə deyil? amma yenə də özümü daha yaxşı hiss eliyirəm belə. açığı ümumiyyətlə deyərdim ki, mən özümü sevmirəm. təkcə görünüş baxımından yox, nə bilim ala, özgüvən problemləri, sosial fobiya və.s hamısı bir bədəndə toplanıb elə bil. hə, düzdü bunlar düzəlməyəcək şeylər deyillər. amma düzəltmək asan da deyil. tək olanda ümumiyyətlə çətin olur. tipin həddən artıq önəmli olduğu fikri ilə də razı deyiləm. tip mən deyərdim başqalarından çox insanın özünə lazımdı. başqaları sənin görünüşünü daha az önəmsəyir, nəinki sən özün. amma bunu bilmək bəs eləmir. çünki sən özün öz görünüşünlə barışıq olmayandan sonra digərlərinin nə düşündüyünü də çox önəmsəmirsən/önəmsəyə bilmirsən. bunu belə düşünün: təsəvvür eliyin siz çirkin olduğunuzu düşünürsünüz. yolda bir nəfər sizə deyir ki, çox yaraşıqlısınız. nə düşünərsiz? bunu hətta 100 nəfər desə belə bir fərq etməz mənim üçün. çünki bunu mən özüm düşünmürəm. çox adam deyir ki, görünüş önəmli deyil, qarşı cins səndə görünüşdən çox digər xüsusiyyətləri axtarır. etirazım yoxdu amma məsələ də ondadır ki, mən öz görünüşümlə barışıq deyiləmsə əgər, o ilk addımı atacaq cəsarət belə olmur. biraz çətin bir vəziyyətdir. ümumiyyətlə başa düşülməsi üçün yaşanması lazım olan bir situasiyadı. yaraşıqlı birinin çıxıb "tip önəmli deyil" deməsi doğuşdan zəngin birinin "pul boş şeydi" deməsi kimidi. adam istəyir desin "ala dur bas bayıra da". sən hardan bilirsən mənim nə yaşadığımı.

açığı ümumiyyətlə bu məsələ haqqında danışmağı sevəm birisi deyiləm. amma sözlükdə başlığa yenidən entry yazıldığını görəndə dedim qoy ürəyimi boşaldım. həm bəlkə gələcəkdə bu komplekslərdən qurtulduğum bir vaxt(qurtula bilsəm) bu entry-ni oxuyub özümə gülərəm.