25. Maşınımı satışa qoymuşam saytda. Səhərin gözü açılmamış bir qaqaş yığıb ki, aşağı niyə qoymusan, problemi nədir? Problemləri saydım.

Toplam təxmini xərci dedim, izah elədim ki, elə təxmini xərc qədər endirim qoymuşam.

Qayıtdı ki, qaqa bəs bunu sən sürmüsən də, bir qardaş kimi məsləhət görürsən?

Dedim, vallah nə yalan deyim, deyirdilər Range Rover xalaqızıdı, bu lap atası-anası rəhmətə getmiş, amma özü dünya gözəli olan xalaqızıdı.

Soruşdu ki, necə yəni? Qayıtdım, bax and ola Seyid Lazım Ağanın cəddinə, indiyə qədər özümü azı 50 dəfə söymüşəm ki, mən bunu niyə alırdım, axı?

Di gəl dost-tanış, qohum-əqrəba, qonum-qonşudan ayıbdı, deyib saxlayırsan.

Sonra ürəyim açıldı e. Qaqaşa nə var nə yox hamısını saydım. Dedim, bax brat, maşının öz qiymətinin 2 qatı qədər xərc qoymuşam, yenə də orasını-burasını yığıb-yığışdıra bilmirəm.

Bakıda nə qədər Volkswagen servis, usta var, hamısıynan canbrat olmuşuq uje.
Tanıyıram yox ha, bildiyin çörək kəsmək, o dərəcə. Toyumda azı 5 masa ustalar olacaq.

Yazıq-yazıq dedi ki, qaqa qorxudursan e. Dedim vallah mən sənə qardaş kimi deyirəm.

Alandan servislə ortaq istifadə edirik, ayın 15 günü məndədi, 15 gün servisdə.

Soruşdu, bunun heç yaxşı tərəfi yoxdu? Qayıtdım ki, var, niyə yoxdu, ayda bir dəfə pavarota tormozsuz girib özünü Şumaxer zənn eləyə bilirsən bu maşınla.

Bir də fərasətin varsa, yanında bir gözəlçə otuzduranda bir dənə gözünün içinə baxıb qazı dibinə qədər sıxıb yeri-göyü nərildədirsən.

Amma onda da, DYP qabaqda saxlayıb səni nərildədir. Qızı da düşürdüb taksiynən yola salırsan, başlayırsan DYP-yə yalvarmağa.

DYP də o moment heç səni dinləmir, ratsiya ilə məruzə edir ki, iradə müəllimə, dombaldıb gətirək, ya gətirib dombaldaq?

Axırda qaqaş yazıq-yazıq soruşdu ki, qaqa sən bu maşını həqqi satmaq istəyirsən?

Dedim açığı heç özüm də bilmirəm.

Andırın elə bir aurası var ki, atsan atılası, satsan satılası deyil. Bildiyin, xalaqızı.

Sağollaşanda pıçıltıyla dedim, qaqa sən salamatı get özünə bir dənə 0 km Çin maşını al, 3 il əlin qulağında sür
Qayıdasan ki, vaxt elə, görüşüb çay içək, sən maraqlı adama oxşayırsan

ilkin rüstəmzadə