42. AXCP sədri Əli Kərimli bu günlərdə saxlanılıb. Bir neçə partiya fəalı da həbs olunub. Dövlət Təhlükəsizlik Xidməti Cinayət Məcəlləsinin 278.1 (dövlət hakimiyyətini ələ keçirməyə yönələn əməllər) maddəsilə partiya sədrini ittiham edir. Guya çevrilişin ideoloqu Prezident Administrasiyasının keçmiş rəhbəri Ramiz Mehdiyev, hərəkətedici qüvvələri cəbhəçilər imiş. Prosesə Rusiya adını da qatmaq Qərbin məsələyə təsirini azaltmaq üçündür. Bütün olanların qarşılığında ittiham çox qeyri-ciddi görünür. Tutaq ki, lap eləymiş. iki aydır Mehdiyev villasında həbs olunub. Əli Kərimli və ya cəbhəçilər evlərində niyə yazılı planı saxlasınlar ki? Cırıb atardılar kanalizasiyaya bitib gedərdi.
Bu prosesdə məqsəd aydındır. Azərbaycan bu gündən rəsmən Türkmənistana çevrildi. Güman ki, AXCP-nin də fəaliyyəti qadağan ediləcək. Bir azdan sadə vətəndaşlar üçün də ölkədən çıxış daha da çətinləşdirəcəklər. Bununla da Azərbaycanın Azəristana çevrilmə dövrü yekunlaşacaq.