6. sistemi cəmiyyət qurur, istər ali təbəqə, istər ziyalı təbəqə, istər sadə xalq, xalq özündən çox ziyalı təbəqəyə inanır, yazdığı kitab nə qədər qalındırsa yazıçı o qədər hörmətlidir.. Amma Drayzerin “Dahi” romanı Sabirin Hop-hopnaməsinin yanında bir çöpdür, bir millətin oyanışı üçün bir Sabir yeter də artar di gəl ki əlavə Cəlilimiz, Üzeyirimiz, Axundov saymaqla bitməyən neçə ziyalımız, milli siyasi xadimlərimiz, Babək kimi azadlıq fədailərimiz var, biz onlarla sadəcə qürur duyuruq. Unudulur ki bizim üçün canından keçənləri yaşatmaq onların yolunu davam etdirməkdir. Atam deyərdi inqilabı ziyalılar hazırlayar xalq həyata keçirər burjua qazanar. Ona görə xalqın əli həmişə boşa çıxar, və bunu anlayanda bir ümidsizlik çökür xalqın üstünə, düşün, nə qədər mübarizə aparırsan, qurbanlar verirsən, azadlığı qazandığını düşünürsən, bir də ayılırsan ki hardasa sən oyundan çıxmısan, sən yenə qurbansan, ən ağırı da sənə badalaq vuran sənin kimi əzilən xalqın içindəndir.. Bir gün azad yaşamağı deyil də, qırx il əsarətdə yaşamağı üstün tutanlarla yola çıxsan səni o əsarətə onlar aparacaq.