17. bakıdan getdiyim gündən bəri...

- ramil səfərovun əlinə sevimli baltası verilərək qəhrəman zirvəsinə ucaldıldı. xalq hələ də onun haranın və nəyin qəhrəmanı olduğundan bixəbərdir. yaman çaş-baş qalıb.
- dünyanın sonudur deyildi, şam bahalaşdı. dünya dağılmadı. ilham əliyev hələ də prezidentdir.
- elşad abdullayevin videoları artmaqda davam etdi.
- qiymətim 500 mindir deyən bahalı qaynana gülər əhmədova davası yeniləndi və davam etdi.
- bir qrup gənc “parlament buraxılsın” şuarlarıyla fəvvarəsiz meydanda toplandı və ya meydandan toplanıldı. lazımi olanlar xəbs edildi, qalanları şəkil çəkdirdi.
- bir əsgər öldü...
- şeyxlütislam ömrünün ən səmimi etirafını edərək xalqın simpatiyasını qazandı.
- insanlar g. əhmədovanın cəzasız qalmasına etirazlar etdilər. facebook dilə gəldi, dilləndi yenə. hamı hərflərlə, statuslarla bağırdı, çağırdı, asdı, vurdu.
- gülər əhmədova insult keçirtdi, bajısı sevinc türkiyəyə qaçdı, sonra xəstəxanaya düşdü, sonra öldü, gülər sağaldı, sevincin ölümündə təqsirləndirildi, sonra təqsirləndirilmədi, əvvəl mandatı əlindən alındı, sonra həbs cəzası verdilər. türmədə də ilhamından ayrılmadı və qaynanadan xalqına şerlər yazmağa başladı.
- ramiz mehdiyevin istefa əzirəsi yazıb prezidentinə verdiyi deyildi.
- ürək çatışmazlığından n* naməlum sayda əsgər öldü.
- 2 dəfə keçirilən “əsgər ölümlərinə dur deyək” aksiyası çoxlu gənclər tərəfindən siyasiləşdirilmədi. əsgər ana-atalarının ölmüş ümidləri dubinka ilə bir daha və bir daha basdırıldı. əsgərləri öldürənlər eşitmədi, bilmədi..
- bir əsgər intihar etdi.
- azərbaycan müxalifətinin uğursuz həmlələri kitabına yeni səhifələr tikildi.
- havada 5 qəpiklər uçuşdu, dəyəri qədər popurist çıxışlar ağızdan-ağıza tüpürüldü, statuslar ucuzluq nümayiş etdirdi. cərimələr ödənildi. sabun bahalaşdı.
- öz ehtiyyatsızlığı ucbatından bir neçə əsgər öldü...
- ismayıllı xalqı təhqirə dözməyib ayağa qalxdı. din-in qoşunları ismayıllıya yeridildi. çoxsayda insanlar həbs olundu. quba hadisələri yada salındı. amma ismayıllı tək qaldı...
- “prostoy vətəndaş” heydər əliyevin bəxş etdiyi azərbaycan günəşinə gözlərini açdı. sabunlandı, parladı, parlatdı, aydınlatdı.
- n sayda əsgər intihar etdi...
- milli məclisin qərarlarını protesto etmək üçün bir qrup gəncıllaq cheaperativlik edərək şəkillərinin satışına başladı. dəstəkçi gənclərin cahilliyinin, bəlkə də sadəlövhlüyünün nəticəsində müəyyən -miqdarda pullar toplanıldı. etirazlarda iştirak etdiyi üçün və ya etmədiyi, sadəcə yoldan keçdiyi üçün haqsız yerə tutulduğunu bəyan edənlərin cərimə pulları ödənildi.
- öz(!) ehtiyyatsızlığı ucbatından əsgər iflic oldu.
- binə ticarət mərkəzində işçilər etiraz etdilər.
- iqtidarın “cibə nəşə atmaq” vərdişi mutasiya keçirərək molotof kokteylinə çevrildi. gənclərin evindən bir orduya yetəcək sayda kokteyl çıxdı, bir evin pulu tapıldı, vətənə-millətə təhlükəli olduqları anlaşıldı. dindirildikdən sonra papış söküyü kimi digər gənclər də o birilərinin ardıyca getdi.
- nardaranda etiraz aksiyası keçirildi, tutulanlar var. sonra tutulanlar üçün də ayrıca etiraz keçirildi.
- lənkəranda və qəbələdə fəhlələrin etirazı, bir nəfərin özünü yandırmağa cəhdi ilə sonlandırtdırıldı.
- bütün bu hadisələrin tüğyan etdiyi müddətdə cəmi cümlətani bircə dəfə ilham əliyev lülüşlərini yığıb çıxış etdi və barmağını qaldıraraq gözünə kəsdirdiyi bir-iki nəfəri möykəm xədələdi. zira, bu ölkədə barmağı olan danışır. beyni olanlar isə ünsürlərdir, özü də milli.
- bu aralarda bir də kitab qətliamı baş verdi. əkrəm əylisli yatıb yuxusunda donqaburunlu qarasaqqal kişi gördükdən sonra kitabını “buraxmaq” qərarına gəldi. ən çox təəccüblənən tabut satan oldu. facebook profillərində doğum yeri yerevan(!) olaraq dəyişdirildi.
- bir əsgər vuruldu...
- bugünlərdə universitetlərin birinə hicablıdır deyə tələbələrə diskriminasiya edilib. bir kütlənin etirazına səbəb olub və belə bir paradoksal şüarla çıxış ediblər: hicaba azadlıq!

bu yazdıqlarımın yekununda məndən hansısa bir haşiyədən, xülasədən zaddan gözləyirsiz bilirəm. deyilə biləcəklər və deyilməsi labüd olanlar çoxdur. nə heyif ki, olan bitənlər tez unudulur. seçkilərə yaxın ərəfədə offshore leakes məsələsi çıxdı ortaya, sonra gənclərin həbsə atılması zara gətirdi hərkəsi. amma, az keçməz hamının beyninə format atılar. 2013 oktyabrın 16 isə...