1. illər keçəcək… həyat öz axarı ilə davam edəcək, insanlar dəyişəcək, yollar ayrılacaq. Zaman çox şeyin üzərindən xətt çəkəcək, amma hamısını silə bilməyəcək. Çünki elə anlar var ki, yaşandığı günlə bitmir. Onlar insanın içində səssizcə qalır, böyüyür, bəzən də gözlənilmədən yenidən özünü xatırladır. Bir qoxuda, bir səsdə, bir mahnının ortasında…

Unutduğunu düşündüyün hər şey əslində sadəcə dərinliyə çəkilir. Üzdə görünmür, amma oradadır. Hisslər dəyişir, ağrı azalır, amma iz qalır. insan güclənir, susmağı öyrənir, keçmişi arxada qoyduğunu zənn edir. Amma bəzi xatirələr var ki, illər keçsə də, səni yenə eyni nöqtədən tutur.

Bəlkə də həyatın ən həqiqi tərəfi budur: hər şey keçib getmir. Bəzi duyğular bizi tərk etmir, sadəcə bizimlə yaşamağa alışır. Və bir gün anlayırsan ki, səni formalaşdıran da elə o silinməyən izlərdir.