2. Fabula (lat. fabula – hekayət, təmsil) müəl­lifin qələmə aldığı hadisələrin əsər­dəki ardıcıllığına deyilir. Bəzən Fabula və «süjet» an­la­yışları ey­niləşdirilir. Əgər müəllif ha­­­disələri baş ver­diyi xronoloji ardıcıllıqla qələmə alırsa, əsərin Fabulası və süjeti üst-üstə düşür. Lakin bir sıra hallarda oxucuda maraq ­oyatmaq, onu gərginlikdə saxlamaq məq­sədilə bu ar­dı­cıllıq dəyişdirilir, məsələn, sonda baş ver­miş əhvalat əsərin əvvəlində təsvir edilir. Fabula hadisələrin məhz müəllif tərə­findən qələ­mə alınmış ardıcıllığını nəzərdə tutur. Nəqletmə subyekti (əsərin müəllif və ya ha­­disələrin şahidi tərəfindən nəql olunması), nəqletmə forması (gün­dəlik, mək­tub, salnamə və s.) anlayışları da Fabulaya aiddir.